កីឡាការិនីខ្មែរ-អាមេរិក សុវណ្ណា ប៉ះជើងខ្លាំងអ៊ុយក្រែនក្នុងសង្វៀន ONE នៅម៉ាឡេស៊ី

2018-11-13 12:27:05
ចំនួនមតិ 0 | ចំនួនចែករំលែក 0

ចន្លោះមិនឃើញ

សង្វៀនធំប្រចាំអាស៊ី ONE Championship នឹងវិលទៅបំពេញសេចក្តីត្រូវការរបស់អ្នកគាំទ្រម៉ាឡេស៊ីទៀតហើយនៅកូឡាឡាំប៊ូ ថ្ងៃសុក្រ ទី៧ ខែធ្នូ ឆ្នាំ២០១៨ខាងមុខនេះដែលប្រជុំដោយជើងខ្លាំងជាច្រើន។

កីឡាការិនីខ្មែរ-អាមេរិក ឯម សុវណ្ណា (រូបថត៖ ONR)

កីឡាការិនីខ្មែរ-អាមេរិក ឯម សុវណ្ណា ដែលកំពុងរស់នៅទីក្រុងឡុងបិច សហរដ្ឋអាមេរិកត្រូវបានផ្គូផ្គងឲ្យជួបជើងខ្លាំង Iryna Kyselova។ តាមពិតទៅកីឡាការិនីកម្ពុជារូបនេះត្រូវបានគ្រោងរៀបចំឲ្យប្រកួតនៅ ONE Championsip ម្តងហើយ ប៉ុន្តែត្រូវលុបចោលទៅវិញ។ នាងបានហ្វឹកហាត់ក្បាច់គុនចម្រុះតាំងពីឆ្នាំ២០១២តាមរយៈការហ្វឹកហាត់ប្រដាល់គុនខ្មែរ និងជឺជិតស៊ូ។

ឯម សុវណ្ណា ធ្លាប់និយាយថា ៖«ខ្ញុំបានសួរគ្រួសារ មិត្តភក្តិ និងគ្រូបង្វឹករបស់ខ្ញុំ អំពីពេលវេលាដ៏លំបាកវេទនានាសម័យខ្មែរក្រហម។ តាមពិតខ្ញុំដឹងថា ប្រទេសកំណើតគ្រួសាររបស់ខ្ញុំជួបទុក្ខលំបាកវេទនាមែន ប៉ុន្តែកម្ពុជានៅតែជាប្រទេសដែលមានវប្បធម៌ដ៏ល្អ។ ខ្ញុំសង្ឃឹមយ៉ាងមុតមាំថា នឹងមានឱកាសប្រកួតតំណាងឲ្យប្រទេសកំណើតរបស់ឪពុកម្តាយ និងគ្រួសាររបស់ខ្ញុំ។ ខ្ញុំជឿថា គ្រូរបស់ខ្ញុំក៏ជាជើងឯកម្នាក់ម្នាក់នៅកម្ពុជាមុនពេលមានសង្គ្រាម»។

ចំណែកដៃគូគឺ Iryna Kyselova ជាកីឡាការិនីអ៊ុយក្រែនបានចាប់ផ្តើមចូលប្រឡូកក្នុងពិភពគុនចម្រុះតាំងពីអាយុ៨ឆ្នាំដោយបានចូលហាត់ដំបូងក្បាច់គុនយូដូ។ នាងមានបទពិសោធច្រើនផ្នែកប្រដាល់សេរី និងចំបាប់។ នាងបទពិសោធច្រើននៅលើសង្វៀនក្នុងនោះប្រកួតបាន១៣ដងឈ្នះ១០ដង និងចាញ់៣ដង។