Modric៖ Real អាចនឹងលើកពាន UCL លើកទី ៤
- 2018-11-13 13:04:00
- ចំនួនមតិ 0 | ចំនួនចែករំលែក 0
Modric៖ Real អាចនឹងលើកពាន UCL លើកទី ៤
ចន្លោះមិនឃើញ
ខ្សែបម្រើក្លឹប Real Madrid កីឡាករ Luka Modric បាននិយាយប្រាប់សារព័ត៌មាន Goal កាលពីពេលថ្មីៗនេះថា ខ្លួនមានភាពជឿជាក់ចំពោះក្លឹប ក្នុងការឈ្នះពាន UEFA Champions League ម្ដងទៀតក្នុងរដូវកាល ២០១៨/១៩ ។
កីឡាករក្រូអាតនេះបានលើកឡើងថា៖ " អ្វីៗអាចនឹងកើតឡើងទាំងអស់ ជាពិសេសសម្រាប់ Real Madrid។ អ្វីដែលយើងបានធ្វើក្នុង ៣រដូវកាលកន្លងមក ជារឿងមិនអាចស្រម៉ៃទាល់តែសោះ តែយើងអាចសម្រេចបាន (ឈ្នះពាន UEFA Champions League ៣ដង ជាប់គ្នា) '' ។
កីឡាកររូបនេះបានបន្តថា៖ " រឿងអីដែលឈ្នះពាន UCL លើកទី ៤ មិនបាន? យើងនឹងលះបង់គ្រប់យ៉ាង ហើយយើងត្រូវតែធ្វើការធ្ងន់ដែរ និងគោរពក្រុមដទៃទៀត ដោយសារតែមានក្រុមល្អៗច្រើន ម្យ៉ាងទៀត ពីមួយឆ្នាំទៅមួយឆ្នាំ វាកាន់តែពិបាកឡើងក្នុងការយកឈ្នះពាននេះ " ។
សូមបញ្ជាក់ផងដែរថា ក្លឹប Real Madrid បានលើកពាននៃក្របខ័ណ្ឌកំពូលអឺរ៉ុបនេះបាន ៣ដងជាប់គ្នា ដោយមិនមានក្រុមណាអាចធ្វើបានទេក្នុងរយៈពេលចុងក្រោយនេះ៕