Lindelof ជាប់ឈ្មោះជាកីឡាករឆ្នើមប្រចាំឆ្នាំរបស់ស៊ុយអែត
- 2018-11-13 13:27:50
- ចំនួនមតិ 0 | ចំនួនចែករំលែក 0
Lindelof ជាប់ឈ្មោះជាកីឡាករឆ្នើមប្រចាំឆ្នាំរបស់ស៊ុយអែត
ចន្លោះមិនឃើញ
ខ្សែការពារក្លឹប Manchester United កីឡាករ Victor Lindelof បានជាប់ឈ្មោះជា កីឡាករប្រចាំឆ្នាំ ២០១៨ របស់ប្រទេសស៊ុយអែត ទោះជាស្ថានភាពក្លឹបអាជីពរបស់ខ្លួនមិនសូវល្អយ៉ាងណាក្ដី។
កីឡាករវ័យ ២៤ឆ្នាំនេះ បានជាប់ឈ្មោះក្នុងជម្រើសដំបូងបាន ១៣ដង នៃ ១៤ប្រកួតរបស់ខ្លួនគ្រប់កម្មវិធីរបស់ក្លឹប Manchester United ក្នុងរដូវកាល ២០១៨/១៩នេះ។ ចំណែកឯក្នុង ក្រុមជម្រើសជាតិវិញ រូបគេក៏បានជួយក្រុម ក្នុងគ្រប់ព្រឹត្តិការណ៍ធំៗ ក្នុងឆ្នាំ ២០១៨នេះ ដោយគេបានបង្ហាញខ្លួន គ្រប់៤ប្រកួត ក្នុង World Cup និងគ្រប់ ២ប្រកួតក្នុង UEFA Nations League។
សូមបញ្ជាក់ផងដែរថា ពានកីឡាករប្រចាំឆ្នាំ របស់ប្រទេសស៊ុយអែត ត្រូវបានទៅលើកីឡាករ Zlatan Ibrahimovic អស់រយៈពេល ១០ឆ្នាំ ត្រឹមឆ្នាំ ២០១៦ ខណៈឆ្នាំ ២០១៧ បានទៅលើ Andreas Granqvistដែលកំពុងលេងក្នុងក្លឹបស៊ុយអែត៕