មិនត្រឹមពេញចិត្តស្រលាញ់ សុភ័ក្រ្កកុសុម៉ា នៅចាត់ទុកតាប៊ុយ ជាអ្នកមានគុណថែមទៀត

2018-11-15 01:46:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីបង្ហាញអារម្មណ៍ពិតរបស់ខ្លួនត្រង់ៗ ថាពេញចិត្តលើដៃគូជាពិធីករតាប៊ុយ ម្ដងនេះ សុភ័ក្រ្ក កុសុម៉ា ឆ្លៀតបង្ហាញអារម្មណ៍មួយទៀត ដោយចាត់ទុកពិធីករកូនកាត់ចិន ជាអ្នកមានគុណរបស់ខ្លួន។

មូលហេតុ ព្រោះ តារាស្រីពូកែសម្តីមិនចេះរីងស្ងួតរូបនេះ ប្រាប់ថា ដោយសារ តាប៊ុយ ទើបខ្លួនមានឱកាសបង្ហាញទេពកោសល្យ និងភាពកំប្លុកកំប្លែងពីកំណើត បន្ទាប់ពី តាប៊ុយជ្រើសរើសឲ្យធ្វើជាពិធីការីនី ក្នុងកម្មវិធី "ពេញចិត្តឬអត់?"។

ចាប់ពីបានឡើងឆាក ក្ដាប់តំណែងជាពិធីការីនីនៅកម្មវិធីនេះមក ភាពល្បីល្បាញរបស់តារាស្រីញញឹមស្រស់ ចាប់ផ្ដើមខ្លាំងឡើងៗ រហូតទទួលបានឱកាសការងារសិល្បៈកាន់តែច្រើន។ លើសពីនេះ តម្លៃខ្លួនសម្រាប់ការឡើងកម្មវិធី ក៏ដូចជាថតស្ប៉តពាណិជ្ជកម្មផ្សេងៗ ទទួលបានកម្រៃខ្ពស់ ជាងមុនឆ្ងាយផងដែរ។

ស្រីស្អាតប្រឡូកសិល្បៈតាំងពីវ័យកុមារ សរសើរថា តាប៊ុយជា Producer ដែលចិត្តល្អ ចេះផ្ដល់តម្លៃ និងគួរឲ្យគោរព។ រយៈពេលបំពេញការងារជាមួយគ្នាមកនេះ កុសុម៉ា តែងមានអារម្មណ៍ល្អ និងពេញចិត្តតាប៊ុយខ្លាំងតែម្ដង ហើយសម្រាប់កញ្ញាផ្ទាល់ ក៏គិតថា តាប៊ុយមានចិត្តស្រលាញ់ខ្លួនវិញផងដែរ៕

អត្ថបទ៖ លឹម សុនា