៣រឿងនេះ បញ្ជាក់ច្បាស់ថាអ្នកត្រូវការចាក់វ៉ាក់សាំងឬអត់ ក្រោយឆ្កែខាំ
- 2018-11-15 01:00:00
- ចំនួនមតិ 0 | ចំនួនចែករំលែក 0
៣រឿងនេះ បញ្ជាក់ច្បាស់ថាអ្នកត្រូវការចាក់វ៉ាក់សាំងឬអត់ ក្រោយឆ្កែខាំ
ចន្លោះមិនឃើញ
មិនថាអ្នកធ្លាប់ ឬមិនធ្លាប់ត្រូវឆ្កែខាំទេ តែងមានមន្ទិលរឿងចាក់វ៉ាក់សាំង ក្រោយសត្វឆ្កែខាំ។ សំណួរ តើគួរចាក់វ៉ាក់សាំង ឬអត់? បញ្ហានេះកើតសំណួរជារឿយៗ អាស្រ័យដោយសារអ្នកខ្លះរបួសតិចតួច តែអ្នកខ្លះវិញត្រូវសត្វឆ្កែ ឬសត្វចិញ្ចឹមដទៃខាំដល់ដាច់ឈាមរហាច។
ប្រភពពីលោកវេជ្ជបណ្ឌិត ប៉ែន កក្កដា ធ្វើការនៅមន្ទីរពេទ្យកុមារជាតិ បានសរសេរតាមទំព័រហ្វេសប៊ុកថា បើតាមអង្គការសុខភាពពិភពលោកបានអោយយោបល់ទាក់ទងនឹងបញ្ហានេះ ដោយចែកចេញជា ៣កម្រិត
១. ត្រូវដឹងពីកម្រិតនៃការខាំ
បើអ្នកគ្រាន់តែប៉ះពាល់ឆ្កែ ឬសត្វចិញ្ចឹម ដោយត្រូវវាលិឍ ហើយមិនមានរលាត់ ឬដាច់ស្បែក ឬអ្នកមិនបានប៉ះពាល់លាមក ទឹកនោមសត្វ គឺមិនចាំបាច់ចាក់វ៉ាក់សាំងទេ គ្រាន់តែលាងសំអាត។
២. កម្រិតបន្ទាប់ត្រូវដឹងក្រោយរងរបួស
បើឆ្កែ ឬឆ្មាខាំ គ្រាន់តែរលាត់ គ្មានការហូរឈាម ត្រូវលាងសំអាត និងចាក់វ៉ាក់សាំងឆ្កែខាំ។
៣. របៀបចាក់វ៉ាក់សាំងដែលត្រឹមត្រូវ
ប្រសិនបើរបួសដល់ថ្នាក់ដាច់រលាត់មានឈាម ស្នាមធ្មេញឆ្កែ ត្រូវចាក់វ៉ាក់សាំង និងចាក់សេរ៉ូម ដែលមានបញ្ចូលអង់ទីគ័រ។ សូមចំណាំថា ទោះឆ្កែដែលចិញ្ចឹមខ្លួនឯងក៏ដោយ បើសិនវាមានជំងឺ អ្នកអាចសំគាល់ការអន់បាយ ឈឺ ខ្លាចទឹក នោះមានន័យថា ប្រឈមនឹងមានការផ្ទុកមេរោគខ្ពស់។
ក្រោយឆ្កែ ឬសត្វចិញ្ចឹមខាំ ចាំបាច់អ្នកត្រូវការចាក់វ៉ាក់សាំងចំនួន ៥ដង: ថ្ងៃទី ១,៣, ៧, ១៤ និង២៨។ តែបើសត្វមិនខាំខ្លាំង ទេចាក់តែ ៤ដងទេ: គឺនៅថ្ងៃទី ១, ៧, ១៤ និង ២៨។ ហើយត្រូវរំលឹក ២ដងឡើងវិញបើមានខាំថ្មី។
សូមបញ្ជាក់ថា បើតាមលោកវេជ្ជ. ប៉ែន កក្កដា បានបន្ថែមថា បន្ទាប់ពីសត្វឆ្កែ ឬសត្វចិញ្ចឹមដទៃខាំភ្លាមៗ គឺមិនចេញរោគសញ្ញាអ្វីនោះទេ វាអាស្រ័យលើកម្រិតមេរោគនៃការឆ្លងច្រើន ឬតិច។ ករណីចេញរោគសញ្ញាឆាប់ អាចបញ្ជាក់ថាធ្ងន់ធ្ងរ។ នៅពេលចេញរោគសញ្ញាហើយ អត្រានៃការស្លាប់ គឺខ្ពស់ ឬអាចនិយាយថា ជៀសមិនផុតនោះទេ។