មិនឲ្យចាញ់ Apple! យ៉ាងតិច ១ ឬ ២ ឆ្នាំទៀត Huawei នឹងប្រកាសវ៉ែនតាឆ្លាតវៃ AR

2018-11-14 13:55:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនយក្ស Huawei ត្រូវបានរាយការណ៍ថាកំពុងដុតដៃដុតជើងអភិវឌ្ឍនូវវ៉ែនតាឆ្លាតវៃ Augmented Reality (AR) ឲ្យសម្រេចបានក្នុងរយៈពេល ១ ឬ ២ ឆ្នាំខាងមុខក្នុងគោលដៅប្រកួតប្រជែងជាមួយក្រុមហ៊ុនអាមេរិក Apple។

AR ដែលត្រូវបានស្គាល់ជាបច្ចេកវិទ្យាជួយឲ្យមនុស្សមើលឃើញពិភពខាងក្រៅ បច្ចុប្បន្នក៏កំពុងមានដាក់ឲ្យដំណើរការតាមរយៈកម្មវិធី-ហ្គេមមួយចំនួន ដូចមានលើ Mate 20 Pro ស៊េរីក្រោយបង្អស់។

រូបតំណាងលោក Richard Yu

ប្រធានផ្នែកក្រុមហ៊ុន Huawei លោក *Richard Yu* បានប្រាប់សារព័ត៌មាន CNBC ដូច្នោះថា៖ "ជាមួយបច្ចេកវិទ្យា AR អ្នកនឹងមានឱកាសដំណើរការនូវវ៉ែនតា AR ជាមួយស្មាតហ្វូន ពោលគឺអ្នកអាចនឹងមើលឃើញកាន់តែឆ្ងាយ ថ្វីបើដំបូងអ្នកមានអារម្មណ៍ថា AR ត្រឹមជាបច្ចេកវិទ្យាសាមញ្ញ ប៉ុន្តែទៅថ្ងៃមុខអ្នកនឹងឃើញពីគុណតម្លៃរបស់វាកាន់តែធំធេង"។

លោកសង្កត់ធ្ងន់ថា៖ "អាចជាមួយឬពីរឆ្នាំទៅមុខ ខ្ញុំគិតថាឧស្សាហកម្មនេះនឹងក្លាយជាជំនួញមួយមិនថាសម្រាប់តែ Huawei ដោយយើងនឹងនាំបទពិសោធន៍លើផលិតផលថ្មីសម្រាប់អតិថិជន"។

រំឭកថា Bloomberg ក៏ធ្លាប់រាយការណ៍ម្តងរួចមកហើយជុំវិញដំណឹងថា Apple ក៏មានអភិវឌ្ឍលើវ៉ែនតា AR ដូចគ្នា ស្របពេលក្រុមហ៊ុនរបស់លោក Tim Cook មួយនេះទើបតែជះលុយទិញក្រុមហ៊ុនផលិតលែន Akonia Holographics កាលពីខែសីហាកន្លងទៅ។