ឱកាសមាស! ក្មេងប្រុសកម្ពុជា ចេះនិយាយ១៥ភាសា ត្រូវអញ្ជើញទៅច្រៀងនៅចិន

2018-11-15 03:46:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្មេងប្រុសកម្ពុជាអាយុ១៤ឆ្នាំម្នាក់ ដែលចេះនិយាយរហូតដល់ទៅ ១៥ភាសា កំពុងទទួលបានការឧបត្ថម្ភលើការធ្វើដំណើរទៅកាន់ប្រទេសចិន ដើម្បីធ្វើបទសម្ភាសន៍ និងឱកាសមាសក្លាយជាតារាចម្រៀងថែមទៀតផង។

ក្មេងប្រុស សាលីក និងអ្នកទេសចរជនជាតិម៉ាឡេស៊ី

កាលពីសប្ដាហ៍មុន ក្មេងប្រុស ធុច សាលីក បានធ្វើឲ្យអ្នកនិយមប្រើប្រាស់អ៊ីនធឺណិតជុំវិញពិភពលោកចាប់អារម្មណ៍យ៉ាងខ្លាំង បន្ទាប់ពីអ្នកទេសចរជនជាតិម៉ាឡេស៊ីម្នាក់ ថតវីដេអូគេបង្ហាញសមត្ថភាពនិយាយភាសាបរទេស ១៥ភាសា ខណៈកំពុងលក់វត្ថុអនុស្សាវរីយ៍ នៅប្រាសាទតាព្រហ្ម។

នៅក្នុងវីដេអូឃ្លិបនោះ ក្មេងប្រុស សាលីក ចាប់ផ្តើមនិយាយភាសាចិនកុកងឺ រួចក៏និយាយភាសាផ្សេងទៀត រួមទាំង ចិនកន្តាំង, ហ្វីលីពីន, បារាំង, អាល្លឺម៉ង់, ជប៉ុន, កូរ៉េ, ម៉ាឡេ និងថៃ ផងដែរ ដោយភាសាទាំងអស់នេះក្មេងប្រុស សាលីក សុទ្ធសឹងតែរៀនចេះពីភ្ញៀវទេសចរ។

ទោះបីជាយ៉ាងណា ក្មេងប្រុសកម្ពុជារូបនេះនិយាយភាសាចិនកុកងឺបានល្អជាងគេ ហើយបង្ហាញពីអាមរ្មណ៍ចង់ទៅចូលរួមកម្មវិធីតន្រ្តីនៅក្នុងទីក្រុងប៉េកាំងទៀតផង។

យ៉ាងណាមិញ ប្អូនប្រុសរបស់ សាលីក ឈ្មោះ ធុច ទិត្យា អាយុ ១១ឆ្នាំ ក៏ចេះនិយាយ ១១ភាសាផងដែរ ហើយចេះនិយាយភាសាចិនកុកងឺបានល្អជាងគេ។

ក្មេងប្រុស ធុច ទិត្យា និង ក្មេងប្រុស សាលីក

យោងតាមសារព័ត៌មានចិន Sinchew បានឲ្យដឹងថា ពួកគេទទួលបានការអញ្ជើញពីក្រុមហ៊ុនផ្សព្វផ្សាយចិន ដើម្បីធ្វើដំណើរទៅកាន់ទីក្រុងប៉េកាំង។ មិនតែប៉ុណ្ណោះ ក្មេងប្រុស សាលីក នឹងមានឱកាសដើម្បីបង្ហាញពីសំឡេងស្រែកច្រៀងរបស់ខ្លួន ហើយក៏មានឱកាសក្លាយជាតារាចម្រៀងនៅទីនោះផងដែរ៕

ប្រភព៖ nextshark ប្រែសម្រួល៖ សេង ឡុង