សំណេរ១ពីយុវតីខ្មែរ ផ្ញើទៅរដ្ឋមន្ត្រីសង្ហាម៉ាឡេស៊ី ធ្វើឲ្យកក្រើកដល់បរទេស សរសើរថ្វីដៃសរសេរ
- 2018-11-15 05:04:39
- ចំនួនមតិ 0 | ចំនួនចែករំលែក 0
សំណេរ១ពីយុវតីខ្មែរ ផ្ញើទៅរដ្ឋមន្ត្រីសង្ហាម៉ាឡេស៊ី ធ្វើឲ្យកក្រើកដល់បរទេស សរសើរថ្វីដៃសរសេរ
ចន្លោះមិនឃើញ
ជារឿងមួយគួរឲ្យភ្ញាក់ផ្អើលបំផុត ក្រោយរដ្ឋមន្ត្រីវ័យក្មេងបំផុតរបស់ម៉ាឡេស៊ី បានបង្ហោះថ្លែងអំណរគុណដល់យុវតីខ្មែរមួយរូប ដែលជាអ្នកគាំទ្ររបស់លោក បានសរសេរសំបុត្រមួយច្បាប់ ព្រមជាមួយកាដូជាតុក្កតាធ្វើពីដៃដ៏ពិសេស។
នៅក្នុងសំបុត្រនោះ យុវតីដែលមានឈ្មោះថា មុនីរ័ត្ន បានសរសេររៀបរាប់ពីអារម្មណ៍ពិតរបស់ខ្លួន ទៅកាន់រដ្ឋមន្ត្រីវ័យក្មេងម៉ាឡេស៊ី ជានិមិត្តរូបរបស់នាង។ នាងបានរៀបរាប់ថា លោកគឺជាបុគ្គលម្នាក់ដែលបានជំរុញលើកទឹកចិត្តអ្នកគ្រប់គ្នា តាមរយៈសារអប់រំលើកទឹកចិត្តជាច្រើននៅលើបណ្ដាញសង្គមនានាដូចជា៖ Instagram Facebook Twitter និងប្រព័ន្ធផ្សព្វផ្សាយផ្សេងៗទៀត។ នាងបានបង្ហាញនូវសេចក្ដីស្រលាញ់ និងទឹកចិត្តរបស់នាងយ៉ាងក្បោះក្បាយបំផុត។
អ្វីដែលគួរឲ្យរំភើបនោះ មានជនបរទេសជាច្រើនបានសរសើរពីថ្វីដៃសរសេររបស់នាង ពិតជាស្អាតបំផុត។ ជាពិសេសនោះ គឺពោរពេញដោយខ្លឹមសារ និងអត្ថន័យដ៏រំជួលចិត្ត។ កាន់តែអស្ចារ្យសំបុត្ររបស់នាងត្រូវបាន រដ្ឋមន្ត្រីក្រសួងយុវជន និងកីឡាថ្មីរបស់ម៉ាឡេស៊ី លោក Syed Saddiq Abdul Rahman បានបង្ហោះនៅលើបណ្ដាញសង្គមហ្វេសប៊ុក ភ្ជាប់មកជាមួយសារដ៏សែនមានអត្ថន័យសម្រាប់នាងទៀតផង។
រដ្ឋមន្ត្រីវ័យ២៨ឆ្នាំរូបនេះឆ្លើយតបទៅកាន់នាងថា៖ "ចូលមកក្នុងការិយាល័យនៅថ្ងៃនេះ ស្រាប់តែឃើញប្រអប់អាថ៌កំបាំងមួយនៅលើតុរបស់ខ្ញុំដែលផ្ញើមកដោយជនជាតិខ្មែរម្នាក់។ ខ្ញុំភ្ញាក់ផ្អើលយ៉ាងខ្លាំង ក្រោយឃើញតុក្កតាធ្វើដោយដៃមួយ និងសំបុត្រដ៏កក់ក្ដៅមួយច្បាប់។ ខ្ញុំប្រហែលជាមិនធ្លាប់ជួបអ្នកទេ ប៉ុន្តែខ្ញុំអរគុណអ្នកសម្រាប់កាដូមួយនេះ។ ក៏ដូចជាអរគុណដែលបានទុកគណនី Instagram របស់អ្នក។ ប្រសិនបើថ្ងៃណាមួយខ្ញុំទៅទស្សនកិច្ចទៅកម្ពុជា ខ្ញុំនឹងទាក់ទងទៅអ្នក។ សូមរក្សាភាពរឹងមាំ និងស្មារតីខ្ពស់ ហើយសូមឲ្យយុវជនអាស៊ានបន្ដអំពើល្អនេះទៀត។”