ដំណឹងលែងលះរបស់ Xiaoming និង Angelababy កាន់តែសុសសាយពេញអ៊ីនធើណិតនៅពេលនេះ

2018-11-16 04:12:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាគូស្នេហ៍ល្បីឈ្មោះ ប្រចាំប្រទេសចិន តារាសម្ដែង Huang Xiaoming និង Angelababy តែងត្រូវមជ្ឈដ្ឋានជាច្រើនផ្តោតការតាមដានគ្រប់ពេលមិនឲ្យរំលង ពិសេសទាក់ទងនឹងជីវិតគូរបស់អ្នកទាំង ២។ តាំងពីរៀបការ រហូតមានកូន ស្នេហាពួកគេ តែងធ្វើឲ្យមនុស្សគ្រប់គ្នាសរសើរ ដោយសារប្ដីប្រពន្ធមួយគូនេះ បង្ហាញកាយវិការផ្អែមល្ហែមជានិច្ច។ ប៉ុន្តែស្រាប់តែចេញព័ត៌មានថ្មីៗនេះថា Xiaoming និងប្រពន្ធសម្រេចលែងលះគ្នា។

ពេញបណ្ដាញសង្គម Weibo នៅប៉ុន្មានថ្ងៃចុងក្រោយនេះ កំពុងផ្ទុះខ្លាំងនូវពាក្យចចាមអារ៉ាមលែងលះរវាង Xiaoming និង Angelababy ក្រោយរួមរស់ជាមួយគ្នារយៈពេលជាង ២ឆ្នាំ។ ពីក្រោយដំណឹងនេះ ក៏មានការឲ្យដឹងដែរថា ដោយសារ Xiaoming លួចលាក់ចុះបញ្ជីក្លែងបន្លំ ភាគហ៊ុន រាប់លានដុល្លារ។ ទាក់ទងនឹងបញ្ហានេះ Angelababy ដែលជាប្រពន្ធមិនបានតបត ឬនិយាយអ្វី ឈរនៅខាងប្ដីទេ ដោយសារអស់ទំនុកចិត្ត។ មូលហេតុទាំងនេះហើយ ទើបបណ្ដាលឲ្យមានការសួរនាំពិភាក្សាដេញដោលគ្នាពេញបណ្ដាញសង្គមពីសំណាក់អ្នកគាំទ្រ។

ជាមួយគ្នានោះ មួយរយៈចុងក្រោយ ក៏សង្កេតឃើញថា អ្នកទាំង ២កម្រកាន់ដៃគ្នាទៅចូលរួមកម្មវិធីដូចមុនណាស់។ អ្វីដែលកាន់តែហួសចិត្តជាងនេះទៅទៀតនោះ ស្រាប់តែមានពាក្យលេចឮថា ពួកគេបានលែងលះគ្នាទៅហើយ។