រឿង សោភ័ណ្ឌ ប៉ះ ហ្វៃប៉ា ក្រើកទៀតហើយស្អែកនេះ
- 2018-11-16 04:42:05
- ចំនួនមតិ 0 | ចំនួនចែករំលែក 0
រឿង សោភ័ណ្ឌ ប៉ះ ហ្វៃប៉ា ក្រើកទៀតហើយស្អែកនេះ
ចន្លោះមិនឃើញ
ហ្វៃប៉ា ចេញមុខជាថ្មីសងសឹក រឿង សោភ័ណ្ឌ ស្អែកនេះ ដែលជាជំនួបល្អមើល និងអ្នកគាំទ្រចង់ទស្សនាបំផុត ព្រោះជើងខ្លាំងមកពីថៃខាងលើនេះធ្លាប់ភ្លាត់ចាញ់សន្លប់ម្ដងដោយមិននឹកស្មាន។
គូខាងលើនេះនឹងធ្វើឲ្យកក្រើកសង្វៀនតែម្ដង ដោយសារអ្នកទាំងពីរសុទ្ធតែមានថ្វីដៃ ហើយជាជំនួបសងសឹកទៀតផង ដូច្នេះម្នាក់ៗគឺចង់ឈ្នះរៀងៗខ្លួន។ ការប្រកួតនេះរឹតតែតានតឹង និងល្អមើលថែមទៀត ព្រោះអ្នកទាំងពីរមានការឃ្នើសចិត្តគ្នាមុនការប្រកួតផងដែរ តាមរយៈយល់ឃើញរបស់ពួកគេមុខការប៉ះគ្នាផ្លូវការថ្មីៗនេះ។
ហ្វៃប៉ា ជាកីឡាករមានកាយសម្បទាល្អ ទាំងសាច់ និងកម្ពស់ចំណែកស្នៀតប្រយុទ្ធក៏មិនអន់ឡើយ ប៉ុន្តែដោយសារតែប្រយ័ត្នកណ្ដាប់ដៃប៉ុណ្ណោះ មិនចាប់អារម្មណ៍ការទាត់ចោលរបស់ សោភ័ណ្ឌ នាជំនួបទី១ ជាហេតុធ្វើឲ្យសន្លប់ទាំងមិនទាន់ចេញក្បាច់អស់ផង ដូច្នេះប៉ះលើកនេះដឹងតែជក់ចិត្តហើយ។
ចំណែក សោភ័ណ្ធ របស់កម្ពុជាវិញ តប់ទៅនិងការលើកឡើងរបស់ ហ្វៃប៉ា ដែលថាខ្លួន«វ៉ៃរំអួយ និងសុំឲ្យវ៉ៃអស់ពីសមត្ថភាព» ថា សូមកុំវ៉ៃចំណុចពិសេសរបស់ខ្លួនទៅបានហើយ។ ដូច្នេះពេលប្រកួតស្អែកនេះច្បាស់ណាស់ ពួកគេចង់ផ្ដាច់គ្នារៀងៗខ្លួនហើយ។ ប៉ះគ្នាលើកនេះ អ្នកលេងគុនខ្មែររូបនេះប្រហែលជាប្រុងប្រយ័ត្នខ្លាំងហើយ ជាងការប៉ះគ្នាជាមួយ កាំឡៃផេត សប្ដាហ៍មុនទៅទៀត។ ការហ្វឹកហាត់វិញជឿជាក់ថាម៉ត់ចត់ និងច្រើនជាងមុនដែរ។
រំលឹកដែរថា រឿង សោភ័ណ្ឌ ធ្លាប់ផ្ដួល ហ្វៃប៉ា ឲ្យសន្លប់ក្នុងទឹកទី២ ម្ដងហើយនាជំនួបមិត្តភាពអន្តរជាតិនៅសង្វៀន CNC កាលពីថ្ងៃទី៨ ខែកក្កដា ឆ្នាំ២០១៨។ ពួកគេនឹងប៉ះគ្នានារសៀលស្អែកនេះជាលើកទី២ នៅ CNC ដដែល៕
វីដេអូប្រកួត៖
អ្នកគាំទ្រសរសើរ Honda បង្ហាត់កម្ពុជាផង ហើយក៏ឆ្លៀតហាត់ខ្លួនឯងដែរ
ថ្ងៃលាចុងក្រោយរបស់ Rooney មិនសូវមានអ្នកមកទស្សនាច្រើនកុះករ
ចាក់កាំបិតគេ ប្រយ័ត្នប៉ះចំអ្នកចេះហាប់គីដូ គ្រោះថ្នាក់ខ្លួនឯងវិញ