សឿយ វិសាល ថា ក្រោមការបង្វឹករបស់ Honda លើកនេះមានភាពប្រសើរជាងមុន
- 2018-11-19 06:43:02
- ចំនួនមតិ 0 | ចំនួនចែករំលែក 0
សឿយ វិសាល ថា ក្រោមការបង្វឹករបស់ Honda លើកនេះមានភាពប្រសើរជាងមុន
ចន្លោះមិនឃើញ
ខ្សែការពារឆ្នើមរបស់កម្ពុជា សឿយ វិសាល បានអះអាងក្នុងសន្និសីទកាសែតមុននេះថា ក្រោមការដឹកនាំរបស់ Honda លើកនេះមានភាពល្អប្រសើរជាងលើកមុន។
ប្រធានក្រុមជម្រើសជាតិកម្ពុជាលើកនេះបានឲ្យដឹងថា កម្ពុជាហាក់ល្អជាងកាលលេងជាមួយម៉ាឡេស៊ី ដែលពេលនោះគឺ Honda ទើបតែបានបង្វឹកលើកទី១។ ដោយឡែកសម្រាប់ការបង្វឹករបស់ Honda លើកទី២នេះវិញកីឡាករទាំងអស់ហាក់ល្អប្រសើរជាងមុន។
ទោះជាយល់បែបនេះក្ដីក្នុងការលេងតទល់ជាមួយឡាវស្អែកនេះរូបគេគិតថា មិនមែនជារឿងងាយស្រួលឡើយ ពីព្រោះដៃគូមួយនេះក៏មិនអន់ដែរ។ ប៉ុន្តែទោះជាយ៉ាងណា វិសាល សន្យាតំណាងក្រុមកម្ពុជាទាំងមូល នឹងប្រឹងប្រែងឲ្យអស់សមត្ថភាព ដើម្បីស្វែងរកលទ្ធផលល្អជូនជាតិ។
កម្ពុជា នឹងធ្វើការប្រកួតទី៣ របស់ខ្លួនជាមួយឡាវនាថ្ងៃស្អែកវេលាម៉ោង ៦:៣០ នាទីនៅពហុកីឡដ្ឋានជាតិក្នុងជំនួបសន្សំពិន្ទុក្នុងពូល A ៕