ការពិតនិងអាថ៌កំបាំង ៨ យ៉ាងដែលអ្នកមិនធ្លាប់បានដឹងពីលោក Mark Zuckerberg
- 2018-11-21 00:26:00
- ចំនួនមតិ 0 | ចំនួនចែករំលែក 0
ការពិតនិងអាថ៌កំបាំង ៨ យ៉ាងដែលអ្នកមិនធ្លាប់បានដឹងពីលោក Mark Zuckerberg
ចន្លោះមិនឃើញ
ស្ថិតក្នុងវ័យ ៣២ ឆ្នាំនាយកប្រតិបត្តិលោក Mark Zuckerberg បានជោគជ័យយ៉ាងធំធេងតាមរយៈការបង្កើតបណ្តាញសង្គមយក្ស Facebook និងសេវាកម្មកម្សាន្តជាច្រើនទៀត។ នាមជាបុគ្គលដ៏អស្ចារ្យមួយរូប នៅពីក្រោយអតីតកាលរបស់បុរសសញ្ជាតិអាមេរិករូបនេះ ក៏មានរឿងជាច្រើនដែលអ្នកគាំទ្រនៅមិនទាន់បានដឹង។
១.លោកប៊ិះតែទៅបម្រើការនៅ Microsoft:
អំឡុងសិក្សានៅវិទ្យាល័យលោកក៏ជាអ្នកចូលរួមបង្កើតកម្មវិធីក្បាលចាក់ MP3 ឲ្យឈ្មោះ Synapse Media Player រហូតត្រូវបានក្រុមហ៊ុន Microsoft សម្លឹងចង់ទិញយកអាជីវកម្មតូចនោះ រួមទាំងស្ថាបនិកទាំងមូលឲ្យមកបម្រើការរួមគ្នា ប៉ុន្តែគ្រប់យ៉ាងមិនអាចទៅរួច រហូត Mark ក៏ដាក់ចិត្តបន្តការសិក្សានៅមហាវិទ្យាល័យ។
២.លោកមានគំនិតបង្កើតថ្មីតាំងពីនៅកុមារ:
នៅវ័យ ១២ ឆ្នាំ Zuckerberg បានបង្កើតចេញនូវកម្មវិធីផ្ញើសាររហ័សមួយឲ្យឈ្មោះ ZuckNet ជាភាពងាយស្រួលសម្រាប់ឪពុកដែលបម្រើការជាពេទ្យធ្មេញ អាចដឹងបានរហ័សពេលមានអតិថិជនមកដល់។
៣.មូលហេតុនៅពីក្រោយ Facebook មានពណ៌ខៀវ:
ការដែលស្លាកយីហោ Facebook មានពណ៌ខៀវ ក៏ដោយសារ Zuckerberg ជួបបញ្ហាមើលមិនឃើញច្បាស់ជាមួយពណ៌ក្រហមនិងបៃតង។
៤.អាចនិយាយច្រើនភាសា:
ក្រៅពីភាសាអង់គ្លេស Mark ក៏អាចប្រើប្រាស់ភាសាឡាតាំង រហូតសូម្បីភាសាចិនកុកងឺថែមទៀតផង។
៥.លោកបដិសេធសំណើលក់ Facebook:
ក្រុមហ៊ុនជាច្រើនដូចជា NewsCorp, MySpace, Viacom, Yahoo, NBC, Microsoft និង Google សុទ្ធសឹងតែធ្លាប់ទម្លាក់សំណើចង់បានអាជីវកម្មរបស់ Zuckerberg។
៦.ការជួបគ្នាដំបូងជាមួយភរិយា:
Mark បានជួយអ្នកស្រី Priscilla Chan ជាលើកដំបូងនៅពេលឈរចាំចូលបន្ទប់ទឹកក្នុងកម្មវិធីជប់លៀងមួយនៅសកលវិទ្យាល័យ Harvard។
៧.Mark មិនសូវលេង Twitter ទេ:
មិនជាសកម្មលើបណ្តាញសង្គមផ្សេង ដោយតាំងពីឆ្នាំ ២០០៩ លោកបានបង្ហោះនៅលើ Twitter បានត្រឹម ៩ លើកគត់។
៨.តម្លៃអាវយឺត:
អាវយឺតប្រចាំត្រកូលរបស់ Mark ដែលលោកនិយមប្រើប្រាស់ផលិតដោយក្រុមហ៊ុន Brunello Cucinelli របស់អ៊ីតាលីដោយមួយតម្លៃប្រហែល ៣០០ ទៅ ៤០០ ដុល្លារ។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ: