កីឡាករអុំទូកតាំងពីសម័យសម្ដេចតា បកស្រាយ ពីជំនឿ អ្នករាំក្បាលទូកទាល់តែក្រមុំព្រហ្មចារី
- 2018-11-20 02:18:27
- ចំនួនមតិ 0 | ចំនួនចែករំលែក 0
កីឡាករអុំទូកតាំងពីសម័យសម្ដេចតា បកស្រាយ ពីជំនឿ អ្នករាំក្បាលទូកទាល់តែក្រមុំព្រហ្មចារី
ចន្លោះមិនឃើញ
មានជំនឿតៗគ្នាមកថា អ្នករាំក្បាលទូកជានារីគេជ្រើសស្រីមុំ ព្រហ្មចារី មានភាពបរិសុទ្ធ អាយុចន្លោះពី១៦ ទៅ១៧ឆ្នាំ ទើបនាំលាភសំណាងដល់ទូក ឲ្យប្រកួតឈ្នះគូប្រកួត។ ប៉ុន្តែបើតាមលោកតា ឃ្លោក សែម ដែលជាកីឡាករអុំទូកតាំងពីសម័យសង្គមរាស្ត្រនិយម ហើយបច្ចុប្បន្នលោកតា ជាព្រឹទ្ធាចារ្យមួយរូប ដឹកនាំការធ្វើទូក និងហ្វឹកហាត់ដល់កីឡាករអុំទូក នៅភូមិព្រែកដូនហែម ឃុំព្រែកអំពិល ស្រុកខ្សាច់កណ្ដាល ខេត្តកណ្ដាល បានបកស្រាយថា ជំនឿនេះគឺមិនពិតឡើយ។
លោកតាវ័យ៧៨ឆ្នាំរូបនេះលើកឡើងថា អ្នករាំក្បាលទូកជានារីក៏ដោយ បុរសក៏ដោយ ឲ្យតែចេះរាំបក់បោយ ធ្វើឲ្យកីឡាករអុំទូក ចេះចាក់ច្រវាបានស្រុះគ្នា គឺសុទ្ធតែអាចរាំបាន។ លោកតាថា សំខាន់ឲ្យតែមានរាំក្បាលទូកនោះ ចេះមានកាយវិការ និងចង្វាក់ល្អ នោះនឹងនាំឲ្យទូកឆ្ពោះទៅលឿនហើយ។ តែមុននឹងរាំក្បាលទូក តាមប្រពៃណីទំនៀមទម្លាប់ គេត្រូវធ្វើពិធីក្រុងពាលីជាមុនសិន ជាមួយនឹងក្រុមកីឡាករទាំងអស់ ដើម្បីបានសុខសប្បាយ។
ចំណែកឯកីឡាករអុំទូកវិញ តាមជំនឿពីបរមបុរាណមក លោកតាឃ្លោក សែម ប្រាប់ថា ហាមពាក់ព័ន្ធជាមួយទឹកប្ដូរនិស្ស័យដាច់ខាត(គ្រឿងស្រវឹង)។ កាលណាតែទឹកប្ដូរនិស្ស័យចូលខ្លួន ធ្វើឲ្យស្មារតីមិនល្អ អាចនាំឲ្យទូកចាញ់គេ៕
សូមស្ដាប់លោកតាបកស្រាយលម្អិតដូចខាងក្រោមនេះ៖