ឈុតតំណាងជាតិបវរកញ្ញាចក្រវាល ២០១៨ ខ្មែរ និងថៃ ស្រស់ស្អាតមិនចាញ់គ្នា
- 2018-11-20 03:44:32
- ចំនួនមតិ 0 | ចំនួនចែករំលែក 0
ឈុតតំណាងជាតិបវរកញ្ញាចក្រវាល ២០១៨ ខ្មែរ និងថៃ ស្រស់ស្អាតមិនចាញ់គ្នា
ចន្លោះមិនឃើញ
ថ្ងៃប្រកួតបវកញ្ញាចក្រវាល ២០១៨ ជិតមកដល់ហើយ ប្រទេសនីមួយៗបានបញ្ចេញឈុតតំណាងជាតិដ៏ស្រស់ស្អាត ប្រកបដោយក្បូរក្បាច់រចនា ថែមទាំងបង្កប់អត្ថន័យជ្រាលជ្រៅ។ ថ្ងៃនេះសូមបើកបង្ហាញនូវឈ្មោះ និងបណ្តុំរូបភាពស្អាតៗនៃឈុតតំណាងជាតិព្រះរាជាណាចក្រកម្ពុជា និងថៃ ដែលត្រៀមសម្រាប់ប្រកួតបវកញ្ញាចក្រវាល ២០១៨ នាថ្ងៃទី១៦ ខែធ្នូ ខាងមុខនេះ នៅប្រទេសថៃ។ តើឈុតតំណាងជាតិទាំង២ប្រទេសសម្រិតសម្រាំងបានល្អឥតខ្ចោះយ៉ាងណា?
១.ឈុតតំណាងជាតិ បវកញ្ញាចក្រវាល កម្ពុជា ២០១៨ គ្រងដោយកញ្ញា រឿន ណាត មានឈ្មោះថា "កម្ពុជាព្រះរាជាណាចក្រអច្ឆរិយៈ" ឬ "Cambodia Kingdom of Wonder” ច្នៃដោយហាង Madam Boutiques Amy។ ឈុតដ៏ប្រណិតនេះសម្រិតសម្រាំងយ៉ាងពិសេស អស់ពេលជាង២ខែ បង្ហាញពីអត្តសញ្ញាណ ក៏ដូចជានិមិត្តសញ្ញាតំណាងឱ្យប្រវត្ដិសាស្ដ្រ វប្បធម៌ និងលក្ខណៈសម្បត្តិពិសេសផ្សេងៗរបស់ព្រះរាជាណាចក្រកម្ពុជា ដែលជាប្រជាជាតិដ៏អស្ចារ្យមួយ។
ការរចនាឈុតសម្លៀកបំពាក់នេះត្រូវបានផ្អែកលើរចនាបទដែលមាននៅក្នុងអំឡុងសតវត្សរ៍ទី ១៥ ដល់ ១៨។ ឈុតនេះដែរសំពត់ច្នៃពីសូត្រខ្មែរ ហើយលក្ខណៈពិសេសតែមួយគត់គឺផ្ទាំងរូបភាពភ្ជាប់ពីក្រោយ ដែលរចនាឡើងពីទង់ជាតិផ្លូវការរបស់ប្រទេសកម្ពុជា ឯចំណុចកណ្តាលមានរំលេចប្រាសាទអង្គរវត្ត ដែលបេតិកភណ្ឌពិភពលោកយូណេស្កូដ៏មានប្រជាប្រិយភាព ចំណែក ស្បៃដណ្តប់ក៏បង្ហាញចេញជាទង់ជាតិកម្ពុជាដែរ។
២.ឈុតតំណាងជាតិ បវរកញ្ញាចក្រវាល ថៃ ២០១៨ គ្រងដោយកញ្ញា SOPHIDA KANCHANARIN មានឈ្មោះថា "Chang the Icon of Siam" ។ ឈុតនេះមានទម្ងន់ប្រមាណជា២០គីឡូក្រាម ច្នៃដោយលោក Theme Tee Phasux ចេញជារូបដំរីពណ៌សយ៉ាងស្រស់ស្អាត។