ហេតុតែតម្លៃថោកជាងទីផ្សារ! ខុនដូបើកលក់មិនដល់ ១ម៉ោង មានអ្នកទិញជិត ១០ Unit

2018-11-20 04:56:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ខុនដូវិនិយោគរវាងកម្ពុជា-សិង្ហបុរី UNO26 Residence មានទីតាំងនៅមុខផ្សារទំនើបអ៊ីអន ១ ផ្ទាល់តែម្ដង តែតម្លៃហាក់ទាបជាងទីផ្សារនោះ បានបើកសម្ពោធកាលពីថ្ងៃទី១៨ វិច្ឆិកា នៅសណ្ឋាគារ Sofitel ដោយគ្រាន់តែប្រកាសលក់ភ្លាមមិនដល់ ១ ម៉ោងផង លក់អស់ ៨ Unit។

លោក Wong Hong Lee នាយកគ្រប់គ្រង UNO26 Residence បាននិយាយថា ខុនដូលោករចនាឡើងតាមបែបប្រទេសសិង្ហបុរី និងកម្ពុជា ដោយមានកម្ពស់ដល់ ១៨ជាន់ តែមានត្រឹម ៧០ Unit ប៉ុណ្ណោះ ដោយមូលហេតុគឺចង់ផ្ដល់ភាពស្ងប់ស្ងាត់ និងឯកជនដល់អ្នករស់នៅ។

លោក Wong Hong Lee នាយកគ្រប់គ្រង UNO26 Residence

លោកបន្ថែមថា៖ "យើងទើបសម្ពោធអម្បាញ់មិញនេះ ឥឡូវលក់បាន ៨ Unit ហើយ ដោយសារទីតាំងយើងនៅកណ្ដាលក្រុងតែម្ដង ពិសេសតម្លៃថោកជាងទីផ្សារ។ ជាក់ស្ដែងទូទៅ ១ម៉ែត្រការ៉ ខ្ទង់ ២ ០០០ដុល្លារឡើងទៅ តែយើងតម្លៃចាប់ពី ១ ៨៥០-៣ ៤៥០ដុល្លារ ក្នុង ១ម៉ែត្រការ៉េ ទៅតាមទីតាំងផ្សេងៗគ្នា"។

UNO26 Residence មានបន្ទប់ ៤ ប្រភេទគឺ បន្ទប់បែប Studio បន្ទប់មាន ១ បន្ទប់គេង បន្ទប់មាន ២ បន្ទប់គេង និងបន្ទប់ Duplex ព្រមទាំងមានអាងហែលទឹក ក្លឹបហាត់ប្រាណ កន្លែងក្មេងលេង កន្លែងអាំងសាច់ជាដើម ដោយគ្រោងនឹងចាប់ផ្ដើមសាងសង់នៅដើមឆ្នាំ ២០១៩ និងបញ្ចប់ក្នុងរយៈពេលពី ១៨-២៤ ខែក្រោយ៕