ទីបំផុត Taylor Swift ចេញពីទ្រនំចាស់វស្សា មកជ្រកដំបូលថ្មីល្បីឈ្មោះមួយផ្សេងទៀត

2018-11-20 04:59:36
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីធ្វើការជាមួយគ្នាអស់រយៈពេលជាយូរ ពេលនេះតារាចម្រៀងដ៏ល្បីលំដាប់ថ្នាក់ពិភពលោក Taylor Swift បានសម្រេចចាកចេញពីផលិតកម្ម Big Machine Label Group (BMLG) ហើយ និងចូលជាតារារបស់ Republic Records និង Universal Music Group (UMG) វិញ។

Taylor Swift បានប្រកាសជាសាធារណៈពីការចាកចេញពីផលិតកម្មចាស់វស្សា ដែលនាងចុះកុងត្រាកាលពីអាយុ ១៤ឆ្នាំ និងដំណឹងចូលជាតារារបស់ផលិតកម្មថ្មី។ នាងបានប្រកាសដំណឹងនេះ នៅលើគណនី Instagram អមនឹងរូបភាពថតជាមួយប្រធានក្រុមហ៊ុន UMG លោក Lucian Grainge និងម្ចាស់ផលិតកម្ម Republic Records លោក Monte Lipman។

ជាមួយរូបនេះ Taylor ក៏បានសរសេរថា៖ "ស្របពេលវាជាផ្នែកមួយនៃកុងត្រាថ្មីរបស់ខ្ញុំជាមួយក្រុមហ៊ុន Universal Music Group ខ្ញុំក៏បានស្នើរសុំថា ផលចំណេញពីការលក់ភាគហ៊ុនលើ Spotify របស់ពួកគេ សុំចែកប្រាក់ចំណេញខ្លះដល់តារាៗ និងមិនអាចដកវិញបានទេ”។ នាងបន្តថា ខាងភាគីក្រុមហ៊ុនក៏បានយល់ព្រមតាមសំណើរនេះដែរ ហើយអ្វីដែលពួកគេជឿជាក់ នឹងមានលទ្ធផលល្អជាងការចំណាយទៅទៀត៕