មកដឹងតិចនិចសាងសង់ប្រាសាទជប៉ុន ការពារចោរចូលលួចរាប់សតវត្ស
- 2018-11-22 05:29:17
- ចំនួនមតិ 0 | ចំនួនចែករំលែក 0
មកដឹងតិចនិចសាងសង់ប្រាសាទជប៉ុន ការពារចោរចូលលួចរាប់សតវត្ស
ចន្លោះមិនឃើញ
ប្រាសាទអាយុកាលរាប់សតវត្សនៅក្នុងប្រទេសជប៉ុនមានតិចនិកដ៏ពិសេសមួយ ដើម្បីការពារពីការចូលលួចយកវត្ថុមានតម្លៃរបស់ពួកគេ នោះគឺផ្ទៃខាងក្រោមអាចបញ្ចេញសំឡេងបាន។
ផ្ទៃនៃប្រាសាទ ត្រូវបានរចនាឡើងដើម្បីបញ្ចេញសំឡេងនៅពេលដើរ ដែលគេហៅថា «Nightingale Floors» ឬជាភាសាជប៉ុន «Uguisubari»។ ប្រព័ន្ធនេះត្រូវបានបង្កើតឡើងដើម្បីការពារពីអ្នកស៊ើបការណ៍ ចោរ និង ឃាតក ពីការចូលមកខាងក្នុងដោយគ្មាននរណាម្នាក់ដឹង ដែលវាមានប្រសិទ្ធភាពខ្លាំង សូម្បីតែពួកនិនចាក៏អាចបង្កជាសំឡេងដែរ។
ជាទូទៅប្រព័ន្ធបែបនេះមាននៅតាមសាលធំៗ នៃរាជវាំង និងប្រាសាទ ហើយត្រូវបានសាងសង់ពីក្តារស្ងួត ដែលធ្វើឲ្យដែកគោលកោសជាមួយនឹងដែក បង្កើតជាសំឡេងឡើង។
យោងតាមគេហទំព័រ SoraNews24 របស់ជប៉ុន បានបង្ហាញថា អគារខ្លះបានកំណត់សំឡេងជាក់លាក់មួយ សម្រាប់អ្នករស់នៅ ឬក្រុមសន្តិសុខ ក្នុងគោលបំណងតាមដានការដើរ ដើម្បីប្រាប់ថាសំឡេងនោះជាជំហាននៃមិត្ត ឬសត្រូវ។ ប្រសិនបើពួកគេឮសំឡេងប្លែក ឬមិនស្គាល់ច្បាស់ សន្តិសុខប្រចាំអគារនឹងត្រូវបានជូនដំណឹងភ្លាមៗតែម្ដង។ រឹតតែអស្ចារ្យជាងនេះទៅទៀតនោះគឺ វាអាចដឹងពីទីតាំងរបស់អ្នកឈ្លានពាន ដោយសារកម្រិតនៃសំឡេង និងទិសដៅនៃសំឡេងដែលបន្លឺចេញមក៕
ចុចអាន៖