កូរ៉េខាងត្បូងបិទទីតាំងសម្លាប់សត្វឆ្កែធំបំផុតក្នុងប្រទេស ព្រោះមូលហេតុ១
- 2018-11-22 07:11:21
- ចំនួនមតិ 0 | ចំនួនចែករំលែក 0
កូរ៉េខាងត្បូងបិទទីតាំងសម្លាប់សត្វឆ្កែធំបំផុតក្នុងប្រទេស ព្រោះមូលហេតុ១
ចន្លោះមិនឃើញ
មន្ត្រីកូរ៉េខាងត្បូង បានធ្វើការចុះបិទទីតាំងសម្លាប់សត្វឆ្កែសម្រាប់លក់ជាអាហារដ៏ធំបំផុតក្នុងប្រទេសកាលពីថ្ងៃព្រហស្បតិ៍ទី ២២នេះ។
តាមការស្រាវជ្រាវបង្ហាញថា នៅតំបន់ Taepyeong ក្នុងទីក្រុង Seongnam មានទីតាំងសម្លាប់ឆ្កែយ៉ាងហោចចំនួន ៦ដែលអាចសម្លាប់ឆ្កែរាប់រយក្បាលក្នុងពេលតែមួយ។ តំបន់នេះ ជាប្រភពចែកចាយសាច់ឆ្កែដ៏ធំសម្រាប់ភោជនីយដ្ឋានទូទាំងប្រទេស។ យុទ្ធនាការចុះបិទទីតាំងនេះ ធ្វើឡើងក្រោយក្រុមសកម្មជនការពារសិទ្ធិសត្វធ្វើការតវ៉ាឲ្យបញ្ឈប់ប្រពៃណីបរិភោគសត្វឆ្កែដោយអះអាងថា ជាការធ្វើបាបសត្វ និងសម្លាប់ឆ្កែយ៉ាងព្រៃផ្សៃបំផុត។ លើសពីនេះ ក្រុមសកម្មជនថែមទាំងបានរកឃើញថា សត្វឆ្កែទាំងនេះ ត្រូវបានឆក់មុនគេសម្លាប់ទៀតផង។
គួរឲ្យដឹងថា សត្វឆ្កែយ៉ាងហោចណាស់ ១លានក្បាល ត្រូវបានសម្លាប់ជារៀងរាល់ឆ្នាំសម្រាប់ទំនៀមទម្លាប់បរិភោគសាច់ឆ្កែក្នុងប្រទេសកូរ៉េខាងត្បូង ដោយពួកគេជឿថាជាអាហារប៉ូវ និងជំនួយកម្លាំង៕
ចុចអាន ៖
មួយក្នុង១លានសំណាង! ទារកម្នាក់ធ្លាក់ចូលផ្លូវរថភ្លើង តែមិនស្លាប់ (មានវីដេអូ)
ទេសចរអាមេរិកម្នាក់ ត្រូវក្រុមកុលសម្ព័ន្ធបាញ់ព្រួញសម្លាប់ដោយសារធ្វើរឿងមួយ