ចេះគន្លឹះទាំងនេះ ដឹងតែកាន់ស្មាតហ្វូនណា ក៏ថតរូបស្អាតដែរ

2018-11-23 04:55:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កាមេរ៉ាលើស្មាតហ្វូនជាចំណុចទាក់ទាញភាគច្រើនបំផុត សម្រាប់អ្នកប្រើប្រាស់ ចង់ផ្លាស់ប្ដូរឡើងជំនាន់រវាងឆ្នាំនីមួយៗ។ សមត្ថភាពកាមេរ៉ាល្អផ្តល់គុណសម្បត្តិមួយ បូកផ្សំនឹងបច្ចេកទេសប្រើប្រាស់បានល្អ រូបភាពចេញមកកាន់តែស្អាត។

ថតរូបច្រើនសន្លឹក

ថតរូបច្រើនសន្លឹក អាចមានជម្រើសច្រើនសម្រាប់រូបភាពស្រស់ស្អាត ប៉ុន្តែមិនមែនចុចយកៗនោះទេ គឺមានការផ្ទៀងផ្ទាត់លទ្ធផលខ្លួនចង់បាន។ រូបភាពច្រើនមែន ប៉ុន្តែអាចពឹងជំនួយពី Google Photos ដូចនេះ Internal Storage មិនសូវមានបន្ទុកខ្លាំង។

ប្រើមុខងារ Burst Mode ឬចាប់រូបភាពចេញពីវីដេអូកម្រិត 4K

Burst Mode ជាមុខងារល្អមួយសម្រាប់ចាប់រូបភាពក្មេងៗ ឬជាក្រុម (អាចមានអ្នកស្នើចុចថតម្តងទៀត) ហើយ Subject មានចលនា ដូចជាសកម្មភាពកីឡា ឬសត្វចិញ្ចឹម។

លោក Jonathan Feist ជាអ្នកនិពន្ធអត្ថបទនៅវេបសាយ Android Authority និង DroneRush ណែនាំឲ្យសាកថតវីដេអូកម្រិត 4K ហើយជ្រើសរើសចំណែក Frame មួយប្រើជារូបភាព។ ចំពោះរូបភាពទាញចេញពីវីដេអូអាចមានទំហំប្រហែល 8MP។ ហើយវិធីងាយស្រួលបំផុត គឺចុចថតរូប អំឡុងពេលថតវីដេអូ។ ឬអាចប្រើកម្មវិធី AndroVid ជំនួយបាន ត្រង់ចំណុចចាប់រូបភាពពីវីដេអូនេះ។

រៀនប្រើកម្មវិធីកាមេរ៉ា

គួរចំណាយពេលសិក្សាស្វែងយល់ អាចថារាល់មុខងារកម្មវិធីកាមេរ៉ាផ្តល់ឲ្យ ដើម្បីទាញប្រយោជន៍ពីមុខងារទាំងនេះបញ្ចូលទៅក្នុងរូបភាព ដូចជាការកំណត់ Focus ឬកែប្រែកម្រិតពន្លឺ (Exposure)។ អ្នកមិនអាចរីកចម្រើនបានទេក្នុងការថតរូបប្រើស្មាតហ្វូន បើរាល់ការប្រើប្រាស់ពឹងតែលើមុខងារស្វ័យប្រវត្តិ។

ទាញយកកម្មវិធីក្រៅបន្ថែម

បើកម្មវិធីកាមេរ៉ាមានស្រាប់ក្នុងប្រព័ន្ធប្រតិបត្តិការ មិនល្អគ្រប់គ្រាន់ ឬគិតថាប្រើអស់មុខងារហើយ អាចសាកកម្មវិធីថតរូបក្រៅបាន ដូចជា Footej Camera, Candy Camera, Google Camera HDR+ ឬ Open Camera មានមុខងារល្អៗអាចគ្រប់គ្រងរូបភាពដោយខ្លួនឯង។

ពិតជាត្រូវការប្រើ Flash មែនទេ

កាមេរ៉ាស្មាតហ្វូនជាច្រើន បានពង្រឹងគុណភាពរូបភាព ពេលថតនៅកម្រិតពន្លឺទាប អាចថាមិនមានតម្រូវការប្រើ Flash នៅស្ថានភាពនេះទេ។ ជារឿយ Flash អាចធ្វើខូចរូបភាពបាន។

ពេលថតរូបនៅទីងងឹត អាចសាកថតប្រើ Flash និងមិនប្រើ Flash ប៉ុន្មានសន្លឹក ហើយជ្រើសរើសតាមការគួរ។ គួរដឹងផងដែរ អ្នកជំនាញថតរូបជាច្រើនមានទំនោរថតរូបបែបងងឹត ដោយសារអាចមានស្រមោលខ្លះលេចឡើងក្នុងរូបភាព។

ចេះប្រើពន្លឺព្រះអាទិត្យ

ពេលថតរូបមនុស្ស គួរជៀសវាងបញ្ចូលរូបព្រះអាទិត្យចំ លើកលែងតែអ្នកចង់បង្កើតទិដ្ឋភាពបែប Silhouettes។ អាចព្យាយាមឲ្យពន្លឺព្រះអាទិត្យជះលើ Subject ជៀសជាងតម្រង់ចំកាមេរ៉ា។

ចង់ថតរូបព្រះអាទិត្យបានល្អ គួរថតក្រោយថ្ងៃរះ ឬមុនពេលថ្ងៃលិច មានពណ៌មាសស្រទំស្រស់ស្អាត ហើយអាចផ្ដោតលើទិដ្ឋភាពជើងមេឃ ឬងើយឡើងទៅលើបន្តិច ពេលថត។

បើកប្រើគំនូសឆ្នូតបង្ហាញលើអេក្រង់

Rule Of Thirds ផ្តល់ទិដ្ឋភាពបានល្អ បង្កើនកម្រិតចាប់អារម្មណ៍ដល់ Subject ដោយកំណត់ធាតុសំខាន់នៅលើចំណុចប្រសព្វនៃបន្ទាត់ឆ្នូត។ គួរបើកបង្ហាញបន្ទាត់ឆ្នូតលើកម្មវិធីកាមេរ៉ា បែងចែកទិដ្ឋភាពរូបជា ៩ ផ្នែក។

លែងជាមួយ HDR

ទូរសព្ទភាគច្រើនលើទីផ្សារមានមុខងារ HDR Mode ដែលបន្សំរូបភាពនូវកម្រិតពន្លឺខុសគ្នាទៅជាទម្រង់រូបភាពល្អប្រសើរមួយ។ HDR ល្អបំផុត ពេលចាប់រូបភាពទេសភាព និងទីក្រុង ដែលបន្សំមេឃភ្លឺ និងស្រមោលងងឹត បង្កើតរូបភាពយ៉ាងទាក់ទាញ។ វត្តមានកាមេរ៉ាប្រើបច្ចេកវិទ្យា AI អាចពិបាកបែងចែករូបភាពថតប្រើ HDR និង រូបភាពស្តង់ដារ។

អំបូរ Pixel របស់ Google បង្ហាញថាការថតរូប HDR (ជាពិសេស HDR+ Mode) ក៏មានប្រយោជន៍ថតពេលយប់ដែរ។ ជារួម HDR ល្អទាំងពេលថ្ងៃ និងយប់។

សាកប្រើ Manual Mode

ក្នុងការប្រើប្រាស់ Manual Mode ឲ្យបានល្អ ត្រូវការចំណាយពេលស្វែងយល់ សាកល្បងច្រើន។ ចំណេះដឹងបឋម គួរចេះប្រើប្រាស់ Shutter Speed (រយៈពេលកាមេរ៉ាចំហ យូរល្អពេលងងឹត ប៉ុន្តែត្រូវការឲ្យកាមេរ៉ានៅនឹង), ISO (ជាកម្រិតពន្លឺមួយ ចំពោះ ISO នៅកម្រិតទាបល្អពេលថ្ងៃ ខណៈនៅកម្រិតខ្ពស់ល្អពេលយប់ ប៉ុន្តែបើខ្ពស់ពេកអាចបង្កើតជា Noise លើរូបភាព) និង Aperture (ទំហំកាមេរ៉ាចំហ ឲ្យពន្លឺចូលតាម Lens ទៅលើ Sensor)។ ការកែប្រែ ISO, Exposure និង Aperture មានភាពសំខាន់សម្រាប់លទ្ធផលរូបភាព ពេលកែប្រែតែមួយ ជាធម្មតាត្រូវការកែប្រែមួយផ្សេងទៀត។

ប្រើ Tripod

Tripod អាចជួយផ្តល់លំនឹងកាមេរ៉ាមិនឲ្យរង្គើ ពេលកំពុងថត បូកផ្សំទាំងមុខងារ Self-timer ឬ ខ្សែកាស អាចឲ្យកាមេរ៉ាអនុវត្តថត ដោយមិនប៉ះតួកាមេរ៉ា កាន់តែធ្វើឲ្យកាមេរ៉ាលែងញ័រ ហើយរូបភាពផលិតចេញមកមិនព្រាល ជាពិសេសពេលថតប្រើ Exposure រយៈពេលយូរ។

ប្រើ Focus Peaking

Focus Peaking ជាមុខងារល្អមួយ មានប្រើក្នុង Manual Mode លើទូរសព្ទ LG និង Samsung ថ្មីៗនេះ។ គំនូស Focus Peaking នៅតំបន់ Focus ទិដ្ឋភាពមានពណ៌ភ្លឺ ធ្វើឲ្យចំណុច Focus ងាយស្រួលលេចរូបរាង ច្បាស់។ នេះងាយស្រួលប្រាប់ច្បាស់ៗ ពីកន្លែងកាមេរ៉ាកំពុង Focus មិនត្រឹមតែ Subject ប៉ុន្តែក៏រួមមានធាតុដទៃទៀតផងដែរ។

ជូតសម្អាត Lens

Lens មានស្នាមប្រឡាក់ អាចធ្វើឲ្យខូចសម្រស់ទិដ្ឋភាពបាន ដូចនេះរាល់ពេលមុនថត គួរជូតសម្អាត Lens ជាមួយនឹងក្រណាត់ទន់។

ប្រើជម្រើស Auto-fix របស់ Google Photos

កម្មវិធី Google Photos មានមុខងារច្រើនជាងត្រឹមផ្តល់សេវាកម្ម Backup រូបភាព។ ក្នុងនោះក៏អាចកែប្រែ ពន្លឺ ពណ៌ ឬតម្រឹមរូបភាព រួមទាំងជម្រើសជួសជុលរូបភាពស្វ័យប្រវត្តិ (Auto-fix) ដោយគ្រាន់តែចុចជម្រើស Edit > ចុច Auto។

ទាញយកកម្មវិធីកាត់តរូបខុសៗគ្នា

Google Photos មានមុខងារកែប្រែជាច្រើន ប៉ុន្តែក៏អាចទាញប្រយោជន៍ពីកម្មវិធីផ្សេងបន្ថែមបានដែរ ដូចជា Snapseed ជាដើម។ កម្មវិធីកាត់ត មានមុខងារចាប់ពីកែប្រែរូបប្រភេទ RAW, កែពណ៌ White Balance, បន្ថែម Filter, តម្រឹម រួមទាំងជម្រើស Auto-fix។

តម្រឹមយកចំណុចសំខាន់

ស្មាតហ្វូននាពេលបច្ចុប្បន្ន មានសមត្ថភាពល្អ និងកម្រិត Megapixels ធំគ្រប់គ្រាន់ អាចទ្រាំទ្រការតម្រឹមបាន។ ដូចនេះ ពេលថតរូបធំទូលាយ ចង់តម្រឹមយកផ្នែកល្អបំផុត អាចធ្វើបានដោយមិនសូវបារម្ភ។ បើពេលថតបានគិតពីរូបមន្ត Rule of Thirds អាចតម្រឹមតាមក្រោយយកចំណុចល្អបំផុតបាន។

ចាប់ប្លង់រូបភាពជាបន្ទាត់