Samsung មិនខ្ចីដាក់អេក្រង់ឆកលើ Galaxy S10 តែចោះប្រឡោះកាមេរ៉ាមុខ
- 2018-11-24 04:15:00
- ចំនួនមតិ 0 | ចំនួនចែករំលែក 0
Samsung មិនខ្ចីដាក់អេក្រង់ឆកលើ Galaxy S10 តែចោះប្រឡោះកាមេរ៉ាមុខ
ចន្លោះមិនឃើញ
ដំណឹងពីស្មាតហ្វូន Galaxy S10 របស់ Samsung កាន់តែក្តៅគគុកលើអ៊ីនធើណិត បន្ទាប់ពីលេចចេញរូបរាងគំរូពីក្នុងព្រឹត្តិការណ៍ Developer Conference ដែលបង្ហាញថា ទីតាំងកាមេរ៉ាមិនមែនឆកនោះទេ ពោលគឺជារចនាបទ Infinity-O ដែលចោះប្រឡោះដាក់កាមេរ៉ាមួយដុំតូចជាប់លើអេក្រង់តែម្តង។
កាលពីពេលកន្លងទៅ Samsung បានបង្ហាញចេញនូវអេក្រង់ Infinity ថ្មីចំនួន ៤ ប្រភេទរួមមាន Infinity-U, Infinity-V, Infinity-O និង New Infinity។ បើតាមដំណឹងបានមកពី Evan Blass ដែលជាចែករំលែកដំណឹងលេចធ្លាយគួរទុកចិត្តមួយរូប បានបង្ហើបថា Galaxy S10 នឹងប្រើរចនាបថ Infinity-O។ យ៉ាងណាក្តី តាមរយៈរូបភាពបែកធ្លាយទាំងនេះ បង្ហាញថា Galaxy ជំនាន់ថ្មី មានរូបរាងដូចបេះបិទទៅនឹងគំរូខាងលើ។
Infinity-O នេះគឺជាការចោះប្រហោងមួយលើផ្ទៃអេក្រង់ដើម្បីបង្កប់នូវកាមេរ៉ាថត Selfie ដែលអាចបន្ថយកម្រាស់គែមអេក្រង់ឲ្យរឹតតែស្ដើងជាងមុន។
ចំណុចពិសេសមួយចំនួនទៀតនឹងមានលើ Galaxy S10 ដែលមានដូចជាទ្រនាប់ស្កេនម្រាមដៃក្រោមអេក្រង់, កាមេរ៉ាក្រោយបីគ្រាប់ (ជាប្រភេទធម្មតា, ប្រភេទ Wide-Angle និង Telephoto) និងប្រើប្រាស់ One UI រួមជាមួយប្រព័ន្ធប្រតិបត្តិការ Android Pie។
ចំពោះការរចនានេះ បើតាមការចុះផ្សាយរបស់វិបសាយ SamMobile បានឲ្យដឹងថា Galaxy S10 ដែលត្រៀមនឹងបង្ហាញឆ្នាំក្រោយ ប្រហែលជាជំនាន់ចុងក្រោយបង្អស់នៃត្រកូល Galaxy S។
ចំណុចមួយដែលគេមិនទាន់ច្បាស់ពី Galaxy S10 គឺទាក់ទងនឹងទីតាំងនៃប្រហោងលើអេក្រង់ ថាតើនឹងស្ថិតនៅចំកណ្ដាល, ផ្នែកខាងឆ្វេង ឬខាងស្ដាំនោះទេ៕