ការសិក្សាមួយបង្ហាញថាហ្ស៊ែនណាដែលអ្នកបានពីម្តាយ ហើយហ្ស៊ែនណាដែលអ្នកបានពីឪពុក

2018-11-25 06:07:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រសិនបើនរណាម្នាក់និយាយថាកូនស្រីនេះដូច "ម្តាយ" គេបេះបិទ នោះបានន័យថាការលើកឡើងនេះមិនត្រឹមត្រូវទេ។

ក្រៅពីនោះ ទ្រឹស្ដីវិទ្យាសាស្ត្រមួយលើកឡើងពីរបៀបរស់នៅរបស់ឪពុក មុនពេលចាប់កំណើតរបស់ទារករួមមាន៖អាហារដែលឪពុកទទួលទាន និង ផ្លូវអារម្មណ៍ដែលឪពុកគិត គឺជាមូលដ្ឋាននៃសុខភាពរបស់ទារក។ រីឯភិនភាគសំខាន់ៗរបស់ទារករួមមាន៖ ច្រមុះ បរិវេណជុំវិញបបូរមាត់ រង្វង់ភ្នែក ថ្ពាល់ និង ចង្កា គឺជាកន្លែងដែលពួកគេអាចនឹងកាត់ទៅរកឪពុកឬម្តាយ។ នេះបើតាមវេបសាយ Brightside។

ខាងក្រោមនេះគឺជាការសិក្សាមួយដែលដកស្រង់ដោយប្រភពខាងលើ ដើម្បីបង្ហាញថាតើហ្ស៊ែនណាដែលអ្នកបានពីម្តាយ ហើយហ្ស៊ែនណាដែលអ្នកបានពីឪពុក៖

១ ភេទ

ទារកដែលកើតមកជាកូនប្រុសឬស្រី អាស្រ័យទៅលើក្រូម៉ូសូមឪពុក ព្រោះទារកក្នុងផ្ទៃតែងតែទទួល ក្រូម៉ូសូម X ពីម្តាយ និង ពីឪពុកអាចជាក្រូម៉ូសូម X ដែលមានន័យថាទារកដែលកើតមកជាក្មេងស្រី ឬ បើទទួលក្រូម៉ូសូម Y ពីឪពុក ទារកដែលនឹងកើតមកជាក្មេងប្រុស។

ការកត់សម្គាល់បែបសាមញ្ញមួយគឺ បើឪពុកមានបងប្អូនប្រុសច្រើនក្នុងគ្រួសារ គាត់នឹងមានកូនប្រុសច្រើនជាងកូនស្រី ឬ បើឪពុកមានបងប្អូនស្រីច្រើនក្នុងគ្រួសារ នោះគាត់នឹងមានកូនស្រីច្រើនជាងកូនប្រុស។

ដោយសារក្រូម៉ូសូម Y មានហ្ស៊ែនតិចជាងក្រូម៉ូសូម X ហើយក្រូម៉ូសូម Y មួយចំនួនមាននាទីរ៉ាប់រងការអភិវឌ្ឍនៃប្រដាប់បន្តពូជបុរស ម្ល៉ោះហើយបានជាក្មេងប្រុសភាគច្រើនស្រដៀងម្តាយជាងឪពុក ខណៈដែលក្មេងស្រីទទួល ក្រូម៉ូសូម X ទាំងពីឪពុក និង ម្តាយម្ល៉ោះហើយពិតជាពិបាកនឹងកត់សម្គាល់ណាស់ថាកូនស្រីដូចឪពុក ឬ ដូចម្តាយច្រើនជាង។

២ ធ្មេញ

ប្រភពដដែលបង្ហាញថា ធ្មេញរបស់កូនដូចឪពុករាប់តាំងពីទំហំ រូបរាង និង លក្ខខ័ណ្ឌសុខភាពធ្មេញ ព្រោះហ្ស៊ែនធ្មេញរបស់ឪពុកខ្លាំងជាងម្តាយ។

ដូច្នេះប្រសិនបើឪពុកមានបញ្ហាសុខភាពធ្មេញ កូនក៏ទំនងជាមានបញ្ហានេះដូចគ្នា។

៣ ភាពវៃឆ្លាត

ហ្ស៊ែនទទួលរ៉ាប់រងលើភាពឆ្លាតវៃរបស់កូនគឺ ក្រូម៉ូសូម X។ ហេតុដូច្នេះ កូនប្រុស ទទួលហ្ស៊ែននៃភាពឆ្លាតវៃពីម្តាយ ខណៈដែលកូនស្រីទទួលហ្ស៊ែននៃភាពឆ្លាតវៃទាំងពីម្តាយនិងឪពុក។

ប្រភពខាងលើបន្ថែមថា ៤០%នៃហ្ស៊ែនភាពឆ្លាតវៃបន្តពីម្តាយ និង សល់ពីនោះកូនៗទទួលបានពីការអប់រំ អំឡុងពេលនៃការលូតលាស់និងរៀនសូត្ររបស់ពួកគេ។

គិតជាមធ្យម IQ របស់ក្មេងប្រុសលើសម្តាយគេចំនួន១៥ពិន្ទុ។

៤ កម្ពស់

ឪពុកមានឥទ្ធិពលទៅលើកម្ពស់របស់កូន ៗ ច្រើនជាងម្តាយ។ បុរសខ្ពស់ ជាធម្មតា កូនគេក៏ច្រើនមានកម្ពស់ខ្ពស់ៗដែរ។ ជាមធ្យមប្រហែល ៦០ ទៅ ៨០% នៃកម្ពស់របស់មនុស្សអាស្រ័យលើឪពុកនិងម្តាយរបស់ពួកគេ

មានរូបមន្ត ២ ដើម្បីកំណត់កម្ពស់នៃទារកនៅពេលពួកគេធំពេញវ័យ

វិធីទី១ ប្រសិនបើកូនប្រុស យកកម្ពស់ម្តាយបូកកម្ពស់ឪពុក រួចបូកបន្ថែម ១២,៧ សង់ទីម៉ែត្រទៀត ហើយចែកនឹង២នោះនឹងឃើញកម្ពស់កូនប្រុស។

ប្រសិនបើជាកូនស្រី យកកម្ពស់ម្ដាយបូកកម្ពស់ឪពុក ដក ៣៣ សង់ទីម៉ែត្រ រួចយកលទ្ធផលទៅចែកនឹង២។

វិធីទី២ ចងចាំកម្ពស់កូនស្រីអ្នកនៅពេលគេមានអាយុ១៨ខែ ហើយកម្ពស់កូនប្រុសអ្នកនៅពេលគេមានអាយុ២ឆ្នាំ រួចយកលទ្ធផលទាំងនេះទៅគុណនឹង២ នោះអ្នកនឹងរកឃើញកម្ពស់ពួកគេនៅពេលកូនប្រុសស្រីអ្នកធំពេញវ័យ។

៥ ពណ៌ភ្នែក

ភ្នែកពណ៌ត្នោតគឺជាហ្ស៊ែនខ្លាំង។ ដូច្នេះប្រសិនបើឪពុកម្ដាយ (ជាពិសេសឪពុក) មានភ្នែកខ្មៅ ឬ ត្នោត កូននឹងមានភ្នែកពណ៌ត្នោត។

ភ្នែកពណ៌ខៀវនឹងបៃតងមានហ្ស៊ែនខ្សោយជាងពណ៌ត្នោត ហើយបើប្រៀបធៀប ពណ៌ខៀវនឹងបៃតង គឺពណ៌ខៀវមានហ្ស៊ែនខ្លាំងជាង។

៦ ថ្ពាល់ខួច

ថ្ពាល់ខួចគឺជាហ្ស៊ែនតពូជ ដូច្នេះបើឪពុក ឬ ម្តាយមានផ្ពាល់ខួច នោះកូនទំនងនឹងអាចមានលក្ខណៈដូច្នេះដែរ។

៧ សក់រួញអង្កាញ់

សក់រួញអង្កាញ់ ត្រូវការហ្ស៊ែនខ្លាំង។ ប្រព័ន្ធសាមញ្ញគឺដូចនេះ៖

ប្រសិនបើ ឪពុកម្តាយទាំង២មានសក់រួញអង្កាញ់ នោះកូននឹងមានសក់រួញអង្កាញ់
ប្រសិនបើ ឪពុកម្តាយទាំង២មានសក់ត្រង់ នោះកូននឹងមានសក់ត្រង់ដែរ
ប្រសិនបើ ឪពុកម្តាយ មួយមានសក់រួញអង្កាញ់ មួយទៀតមានសក់ត្រង់ នោះកូននឹងមានសក់ទឹករលក
ប្រសិនបើឪពុកម្តាយទាំង២មានសក់រួញអង្កាញ់ នោះកូនក៏អាចមានសក់ត្រង់ដែរ ប្រសិនបើសមាជិកណាម្នាក់ក្នុងគ្រួសារមានសក់ត្រង់។

សរុបមក គេអាចព្យាករណ៍ថាទារកកើតមកនឹងមានភិនភាគដូចម្ដេចខ្លះ ដោយការសង្កេតមើលរូបថតឪពុកម្តាយដោយយកចិត្តទុកដាក់ទៅលើ (ច្រមុះស្រួចឬបាក់ សក់រួញឬត្រង់ ភ្នែកពណ៌ត្នោតឬ) ព្រោះចំណុចទាំងនេះជាហ្ស៊ែនខ្លាំងលេចធ្លោ៕

ប្រភព៖ Brightside ប្រែសម្រួល៖ សុខ លាងហ៊ត

ពាក្យទាក់ទង

សុខភាពទារក Healthy Living

អត្ថបទពេញនិយម

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

ចេញហើយ តម្លៃរថយន្ត Toyota Camry 2025 នៅទីផ្សារអាមេរិក! ទាបបំផុត ២ម៉ឺន ៨ពាន់ដុល្លារ

ភ្ញាក់ផ្អើលចំនួនភ្ញៀវទេសចរទៅលេងកំពត អំឡុងចូលឆ្នាំ៤ថ្ងៃ ក្រោយមានរូបសេះសមុទ្របាញ់ទឹក

Mbappe មិនដូរចិត្ត ទោះជួយ PSG ឡើងវគ្គពាក់កណ្ដាលផ្ដាច់ព្រ័ត្រ UCL

ដោយសារភ្លៀងសិប្បនិម្មិត Cloud Seeding ឬ ទើបធ្វើឱ្យឌូបៃ ជួបប្រទះគ្រោះទឹកជំនន់ធ្ងន់ធ្ងរបំផុត?

ដឹងអត់! ភាគច្រើនបញ្ហា ៥យ៉ាងនេះហើយដែលធ្វើឱ្យឡានចេញ Check

អត្ថបទថ្មី

ប្រាសាទ ដាវីន បង្ហាញជំហរច្បាស់លាស់ ប្រសិនមានឱកាសតំណាងកម្ពុជាលើឆាកអន្តរជាតិម្តងទៀត

ផ្លូវជាតិលេខ៤៨ ស្រែអំបិល-កោះកុង សម្រេចសាងសង់បានពាក់កណ្តាលហើយ និងគ្រោងបញ្ចប់ចាក់កៅស៊ូឆ្នាំក្រោយ

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

ចេញហើយ តម្លៃរថយន្ត Toyota Camry 2025 នៅទីផ្សារអាមេរិក! ទាបបំផុត ២ម៉ឺន ៨ពាន់ដុល្លារ