ផល សោភ័ណ្ឌ ប្រាប់វិធីសាស្ត្រវ៉ៃរបស់ខ្លួន ពេលប៉ះអ្នកចូលចិត្តដើរបុក
- 2018-11-27 02:48:39
- ចំនួនមតិ 0 | ចំនួនចែករំលែក 0
ផល សោភ័ណ្ឌ ប្រាប់វិធីសាស្ត្រវ៉ៃរបស់ខ្លួន ពេលប៉ះអ្នកចូលចិត្តដើរបុក
ចន្លោះមិនឃើញ
អ្នកលេងគុនខ្មែរល្អគ្រប់គ្រឿង ផល សោភ័ណ្ឌ ប្រាប់ពីវិធីសាស្ត្រផ្ទាល់ខ្លួននៅពេលប៉ះដៃគូចូលចិត្តដើរបុកថា «បើគេដើរបុកវ៉ៃទាំងកំហឹងហើយ កុំយកកម្លាំងរបស់យើងទៅបុកជាមួយគេ ប្រើបច្ចេកទេសវ៉ៃតាមខ្យល់គេចូលមកវិញ»។
កីឡាករមកពីខណ្ឌដង្កោខាងលើ ប្រាប់ឲ្យដឹងថា ចំពោះការប្រកួតកាលពីថ្ងៃអាទិត្យសប្ដាហ៍មុននេះ ពិបាកខ្លាំងដែរ ដោយសារថៃគេរឹង មានទាត់ធ្ងន់។ Khumpet ដែលជាដៃគូម្នាក់នេះស្មារតីរឹងល្អ និងឆាប់ប្រមូលវិញក៏បានវិញលឿនទៀតផង ទោះត្រូវច្រើនយ៉ាងណាក៏នៅតែមិន អាចបន្តការប្រកួតដល់ចប់ទឹកទី៥។
សម្រាប់កូនសិស្សលោកគ្រូ ញ៉ូវ ម៉ាក រូបនេះបន្ថែមថា មិនប្រកាន់ថាចូលចិត្តវ៉ៃជាមួយអ្នកដើរបុក ឬអ្នកវ៉ៃមួយៗនោះឡើយ ស្ដាយវ៉ៃមួយណាក៏បានដែរ គ្រាន់តែស្នៀតចេញការវ៉ៃតបតទៅវិញខុសៗគ្នាទៅតាមមនុស្សផ្សេងគ្នាប៉ុណ្ណោះ។
រំលឹកដែរថា កីឡាករ ផល សោភ័ណ្ឌ ជាកូនសិស្សមកពីក្លឹបប្រដាល់តាឡីដំរីមានរិទ្ធ ដែលបច្ចុប្បន្ននេះស្ថិតនៅក្នុងខណ្ឌដង្កោ រាជធានីភ្នំពេញ។ អ្នកលេងគុនខ្មែរម្នាក់នេះជាជើងខ្លាំងជួរមុខរបស់កម្ពុជា ហើយទើបនិងឈ្នះពិន្ទុថៃកាលពីថ្ងៃអាទិត្យ ទី២៥ វិច្ឆិកា ២០១៨ នៅសង្វៀនបាយ័ន៕
វីដេអូប្រកួត៖
ឈ្នះយប់មិញ Benitez ថាគ្រប់ប្រកួតគឺជាវគ្គផ្ដាច់ព្រ័ត្ររបស់ Newcastle
យុគ យក្សផ្លែ ឡើងទៅជុំទី២ ស្រួលៗក្រោយប៉ះសិស្សប្អូនបទពិសោធខ្ចី