Mourinho ប្រាប់កូនក្រុមឲ្យដេកផ្ទះទៅ ប្រសិនមិនអាចដោះស្រាយសម្ពាធបាន
- 2018-11-27 03:35:01
- ចំនួនមតិ 0 | ចំនួនចែករំលែក 0
Mourinho ប្រាប់កូនក្រុមឲ្យដេកផ្ទះទៅ ប្រសិនមិនអាចដោះស្រាយសម្ពាធបាន
ចន្លោះមិនឃើញ
លោក Jose Mourinho បានប្រាប់ទៅកាន់កីឡាកររបស់លោកថា បើនរណាមិនអាចដោះស្រាយសម្ពាធបាន គួរតែសម្ងំដេកនៅផ្ទះទៅ។
ក្លឹបបិសាចក្រហម Mancherster United ឈ្នះតែ៣ប្រកួតប៉ុណ្ណោះ នៃ៩ប្រកួតរបស់ពួកគេលេងក្នុងដីរដូវកាលនេះ។ កត្តាមិនសូវជោគជ័យនេះហើយបានធ្វើឲ្យអ្នកគាំទ្រមិនសូវសប្បាយចិត្តដាក់ការស្ដីបន្ទោសមកលើក្រុមទាំងមូល។ យ៉ាងណាមិញ អ្នកចាត់ការសញ្ជាតិព័រទុយហ្គាល់បានប្រាប់ឲ្យកូនក្រុមត្រូវចេះទទួលសម្ពាធជុំវិញខ្លួនដើម្បីកែលំអ។
រាត្រីនេះ Man Utd ត្រូវស្វាគមន៍ក្រុមរបស់ប្រទេសស្វីស Young Boys ដែលជាជើងទីពីរវគ្គសន្សំពិន្ទុ។ មុនការប្រកួតមកដល់ Mourinho៖ "ប្រសិននរណាម្នាក់អារម្មណ៍មានសម្ពាធ នៅផ្ទះទៅ។ ផ្ទះខ្ញុំមិនមែនសំដៅលើកីឡដ្ឋានទេ គឺផ្ទះដែលយើងរស់នៅ។ នៅផ្ទះហើយមើលទូរទស្សន៍ទៅ។ យើងអាចថាខ្លួនមានសម្ពាធលេងក្នុងផ្ទះ ពេលដែលអ្នកគាំទ្រមកគាំទ្រ? ងើបឡើង ខ្ញុំមិនដែលមានអារម្មណ៍ទទួលសម្ពាធពេលលេងក្នុងផ្ទះទេ"។
ប្រសិនយប់នេះ Man Utd យកឈ្នះ Young Boys ហើយ Valencia ចាញ់ Juventus នោះពួកគេនឹងមានឱកាសឡើងទៅវគ្គ១៦ក្រុមចុងក្រោយ Champions League ដោយស្វ័យប្រវត្តិ ទោះសល់មួយប្រកួតទៀតក៏ដោយ៕