ឡុង ឡា កំពុងហ្វឹកហាត់ខ្លាំង ត្រៀមប្រជែងជ័យជម្នះម្ចាស់ផ្ទះថៃ
- 2018-11-27 09:20:19
- ចំនួនមតិ 0 | ចំនួនចែករំលែក 0
ឡុង ឡា កំពុងហ្វឹកហាត់ខ្លាំង ត្រៀមប្រជែងជ័យជម្នះម្ចាស់ផ្ទះថៃ
ចន្លោះមិនឃើញ
អ្នកលេងគុនខ្មែរកំពុងសាងកេរ្តិ៍ឈ្មោះ ឡុង ឡា សម្រាកតែ១ថ្ងៃប៉ុណ្ណោះ ក្រោយឈ្នះកីឡាករ សុខ សុវណ្ណ កាលពីសប្ដាហ៍មុន ឥលូវកំពុងហ្វឹកហាត់ខ្លាំងត្រៀមប៉ះម្ចាស់ផ្ទះថៃ ក្នុងកម្មវិធី Super Champ។
លោក ហ៊ុន ច័ន្ទរាជ្យ ដែលជាគ្រូបង្វឹករបស់កីឡាករខាងលើបានឲ្យដឹងថា តាំងពីឈ្នះ សុខ សុវណ្ណ នាពាក់កណ្ដាលខែវិច្ឆិកាកន្លងទៅនេះ កូនសិស្សរបស់លោកសម្រាកតែ១ថ្ងៃប៉ុណ្ណោះ ក៏ចូលហ្វឹកហាត់ជាធម្មតាវិញ។
គ្រូខាងលើនេះលើកឡើងទៀតថា ឡុង ឡា ហ្វឹកហាត់ខ្លាំង ក្នុងការត្រៀមចូលរួមការប្រកួតនៅប្រទេសថៃនាដើមខែធ្នូនៅប្រទេសថៃនេះតែម្ដង។ លោកជឿជាក់លើកូនសិស្សរូបនេះ ព្រោះសមត្ថភាពខ្លាំង និងហាត់បានល្អផងដែរ។ ទម្រង់ការវ៉ៃរបស់ ឡុង ឡា វាពិតជាធ្វើឲ្យថៃជាដៃគូពិបាកយកឈ្នះណាស់។ ដៃរបស់អ្នកលេងគុនខ្មែរខាងលើ រឹងជាងមុនទៅទៀត ហើយជំនាញមួយទៀតនោះ គឺចាប់ជើងដៃគូឲ្យដួល។
បញ្ជាក់ដែរថា កីឡាករ ឡុង ឡា របស់កម្ពុជា នឹងត្រូវប៉ះជើងខ្លាំងថៃ នាថ្ងៃទី២ ខែធ្នូ ២០១៨ ក្នុងកម្មវិធី Super Champ។ អ្នកលេងគុនខ្មែររូបនេះនឹងចាកចេញពីកម្ពុជានាថ្ងៃទី៣០ នេះហើយ៕
កុងត្រាសល់ខ្លី Man City និង Juventus ចង់ឆក់យក Jordi Alba
ចូលកាន់តំណែងប្រធាន Tennis ភ្លាមឧកញ៉ា សៀ ឬទ្ធី សន្យាផ្ដល់១ឆ្នាំ១រយលានរៀល
ទស្សនវិស័យ Leo ចំពោះបាល់ទាត់៖ លេងជាក្រុម វិន័យហ្មត់ចត់ គ្រប់គ្រងបាល់ឱ្យច្រើន