ចប់បាត់! គណនីដៃគូសំណព្វរបស់ Ninja ត្រូវគេ Hack បានស្រស់ៗអំឡុងពេលលេង Fortnite

2018-11-27 11:26:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្តេចហ្គេម Fortnite ឲ្យរហ័សនាមថា "Ninja” បានទទួលភាពភ្ញាក់ផ្អើលមួយចេញពីគណនីមិត្តភ័ក្ដិរបស់ខ្លួនគឺ Drake ខណៈមានជលខិលខូចបានលួចចូលបន្លំប្រើប្រាស់គណនីនោះបានដោយជោគជ័យ។

អំឡុងការផ្សាយផ្ទាល់ដើម្បីប្រមូលថវិកាក្នុងការងារសប្បុរសធម៌កាលពីថ្ងៃទី ២៣ វិច្ឆិកា គ្រាដែល Ninja កំពុងលេងហ្គេម Fortnite ក៏លោកកត់សម្គាល់ឃើញគណនី Duddus647 របស់ Drake ចូលមកក្នុងវគ្គជាមួយគ្នាដែរ ប៉ុន្តែបានឆ្លើយឆ្លងពាក្យសម្តីមិនសមរម្យនិងនិយាយ n-word (Nigger សំដៅលើជនជាតិស្បែកខ្មៅ) ម្តងហើយម្តងទៀត។

Ninja ភ្លាមនោះក៏សម្គាល់ឃើញថាមិនមែន Drake ជាអ្នកលេងពិតប្រាកដទេ រួចសម្រេចទាក់ទងទៅម្ចាស់សាមីខ្លួនដោយផ្ទាល់និងរាយការណ៍បញ្ហានេះទៅកាន់ Epic Games ដើម្បីវែកមុខអ្នកនៅពីក្រោយការ Hack ដ៏សម្ងាត់នេះ។

យោងតាម Dexerto បានសម្រង់នូវសម្តីរបស់ Ninja ដែលនិយាយដូច្នោះថា៖ "ខ្ញុំនឹងផ្ញើសារទៅ Drake ឲ្យបានដឹងថាគណនីរបស់គាត់ត្រូវគេ Hack និងរាយការណ៍ទៅកាន់ Epic ហើយក៏សង្ឃឹមយ៉ាងមុតមាំថាពួកគេនឹងដោះស្រាយបញ្ហានេះបាន"។ ថ្វីបើត្រូវចាកចេញពីហ្គេមបន្ទាប់ពីឃើញការឆ្លើយឆ្លងនូវសម្តីមិនល្អ ប៉ុន្តែលោកបានប្រមូលថវិកាសរុបដល់ទៅជាង ៥២ ០០០ ដុល្លារ សម្រាប់មូលនិធិ Ellen DeGeneres Wildlife Fund។

ប្រភព: https://www.valuewalk.com/2018/11/drake-fortnite-account-hacked-ninja/?fbclid=IwAR3L3GOiGhgajvETc4fUcYnHBCXm-IIXGC69LXMA05WF_-Chg-QmmoKt-5E