ឆ័យ លីដាឡែន ទទួលយកមិនបានការស្លាប់របស់ឪពុកខ្លួនកាលពីយប់មិញ

2018-11-28 01:57:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ឪពុកតារាចម្រៀង និងសម្ដែង ឆ័យ លីដាឡែន បានទទួលមរណភាពកាលពីយប់ថ្ងៃទី ២៧ ខែ វិច្ឆិកា វេលាម៉ោង ១០ និង២០នាទីក្នុងជន្មាយុ ៦៨ ឆ្នាំដោយសារជំងឺគាំងបេះដូង។

ការបាត់បង់ឪពុកជាទីស្រឡាញ់គ្មានថ្ងៃវិលត្រឡប់នេះធ្វើឲ្យ ឆ័យ លីដាឡែន ទទួលយកមិនបាននោះទេ ព្រោះអ្នកមានគុណនាង មានសុខភាពល្អមិនដែលមានជំងឺពីមុនទាល់តែសោះ។ បែរជាទទួលមរណភាពដោយសារជំងឺគាំងបេះដូង។

ជាមួយសំឡេងអួលដើមក ឆ័យ លីដាឡែន រៀបរាប់ថា៖" បងទទួលយកមិនបានទេអូន គាត់ទៅចោលបងលឿនម្ល៉េះ។ អ្វីដែលបងស្ដាយខ្លាំងបំផុតគឺបងមិនបានមកទាន់ដង្ហើមគាត់ គ្រាន់តែឮដំណឹងថាឪពុកបងគាត់ទទួលមរណភាពភ្លាមបងចេញពីភ្នំពេញមកបាត់ដំបងទាំងយប់"។

សពឪពុក ឆ័យ លីដាឡែន

ឪពុក ឆ័យ លីដាឡែន ទទួលមរណភាពមានឈ្មោះ មឿន ឆៃ គឺជាតន្ត្រីករល្បីឈ្មោះមួយរូបនៅខេត្តបាត់ដំបងផងដែរ។ ពេលនេះសពឪពុកនាង តម្កល់ធ្វើបុណ្យនៅខេត្តបាត់ដំបង ឯថ្ងៃដែលត្រូវបូជាគឺថ្ងៃទី៣ ខែធ្នូ ឆ្នាំ២០១៨ ខាងមុខនេះ៕