ផាន់ ផាត់យុទ្ធ ចង់ជួប ប៊ុន សុធា ម្ដងទៀតក្នុងកម្មវិធីខ្សែក្រវាត់ទម្ងន់៥៤នេះ

2018-11-28 02:56:38
ចំនួនមតិ 0 | ចំនួនចែករំលែក 0

ចន្លោះមិនឃើញ

កូនសិស្សលោក ឡុង សាលវ័ន្ត ផាន់ ផាត់យុទ្ធ ថាខ្លួនចង់ជួបមិត្តរួមជាតិ ប៊ុន សុធា ម្ដងទៀត ព្រោះធ្លាប់ចាញ់ទាំងប្រផឹតប្រផើយនាជំនួបវិលជុំ ខ្មែរ និងខ្មែរកន្លងទៅនេះក្នុងកម្មវិធីខ្សែក្រវាត់ទម្ងន់៥៤គីឡូក្រាម។

កីឡាករ ផាន់ ផាត់យុទ្ធ

ផាត់យុទ្ធ បានឲ្យដឹងថា កាលចាញ់ ប៊ុន សុធា នោះគឺប្រផឹតប្រផើយប៉ុណ្ណោះ ជាហេតុធ្វើឲ្យខ្លួនចិញ្ចឹមចិត្តចង់ប៉ះគ្នាម្ដងទៀត ហើយបើអាចជួបវគ្គណាមួយនៃខ្សែក្រវាត់គូបូតានេះក៏បានដែរ។

កីឡាករ ប៊ុន សុធា

អ្នកលេងគុនខ្មែររូបនេះប្រាប់ទៀតថា ចាញ់ ប៊ុន សុធា ត្រង់ថាគេវែងជាង នៅពេលដែលខ្លួនចេញក្បាច់ទៅ គេចាំកាត់បានល្អ ជាហេតុពិបាកវ៉ៃតែម្ដង។ ចំពោះស្នៀតផ្សេងៗមិនជាល្អប៉ុន្មានទេ ប្រហាក់ប្រហែលគ្នាប៉ុណ្ណោះ។

កីឡាករ ផាន់ ផាត់យុទ្ធ

រំលឹកដែរថា កីឡាករ ផាន់ ផាត់យុទ្ធ ចាញ់ពិន្ទុអ្នកប្រដាល់ ប៊ុន សុធា ម្ដងនាវគ្គដំបូង វិលជុំខ្មែរ និងខ្មែរ ដើម្បីបានឡើងមកជុំទី២។ ឥលូវពួកគេកំពុងប្រកួតជុំទី២ វគ្គសន្សំពិន្ទុក្នុងពូលដែលត្រូវប៉ះបរទេសដើម្បីរកអ្នកឡើងទៅវគ្គពាក់កណ្ដាលផ្ដាច់ព្រ័ត្រខ្សែក្រវាត់គូបូតា ទម្ងន់៥៤ របស់សង្វៀនបាយ័ន៕

អត្ថបទ៖ នួន ស៊ីណា