Buffon ថា ៣នាក់ខាងមុខរបស់ Liverpool ល្អជាងប្រយុទ្ធតម្លៃ៤០០លានរបស់ PSG
- 2018-11-28 04:58:00
- ចំនួនមតិ 0 | ចំនួនចែករំលែក 0
Buffon ថា ៣នាក់ខាងមុខរបស់ Liverpool ល្អជាងប្រយុទ្ធតម្លៃ៤០០លានរបស់ PSG
ចន្លោះមិនឃើញ
កំពូលអ្នកចាំទីជើងចាស់ Gianluigi Buffon បានធ្វើការវាយតម្លៃលើខ្សែប្រយុទ្ធ៣នាក់ខាងមុខរបស់ Liverpool ដោយនិយាយថា ពួកគេជាគឺល្អជាងគេលើលោកពេលនេះ។
Buffon អ្នកចាំទីរបស់ Paris Saint-Germain កំពុងត្រៀមខ្លួនជួយក្រុមជួបនឹង Liverpool នៅពានរង្វាន់ Champions Leahue នៅយប់ថ្ងៃពុធនេះក្នុងកីឡដ្ឋាន Parc des Princes ប្រទេសបារាំង។ ក្នុងកិច្ចសម្ភាសន៍មួយជាមួយ Mirror កីឡាករសញ្ជាតិអ៊ីតាលីដែលធ្លាប់លេងទល់នឹងក្រុមខ្លាំងជាច្រើនក្នុងអាជីពរយៈពេល២៤ឆ្នាំក្នុងអាជីពបាននិយាយពីចិត្តស្មោះថា ខ្សែប្រយុទ្ធ៣ខាងលើរបស់ Livepool ល្អជាងប្រយុទ្ធ៣របស់ PSG។
Neymar និង Kylian Mbappe គឺជាកីឡាករដែលមានតម្លៃខ្លួនថ្លៃជាងគេលើលោកក្នុងប្រវត្តិសាស្ត្របាល់ទាត់ ហើយ Edinson Cavani ស្ថិតក្នុងលំដាប់កីឡាករក ប៉ុន្តែអ្នកចាំទីវ័យ៤០ឆ្នាំនិយាយថា៖ "Liverpool មានក្រុមដ៏ខ្លាំងមួយ ប៉ុន្តែខ្ញុំសម្លឹងឃើញជាពិសេសលើប្រយុទ្ធខាងមុខរបស់ពួកគេ។ Salah, Mane និង Firmino មានល្បឿនលឿនខ្លាំង ចេះបង្កើតឱកាសនិងអាចគំរាមរកគ្រាប់បាល់គ្រប់ពេល។ ពេញមួយអាជីពរបស់ខ្ញុំ ចង់តែលេងសាកសមត្ថភាពខ្លួនឯងជាមួយក្រុមខ្លាំងៗ។ សម្រាប់ពេលនេះ ខ្ញុំគិតថាគ្មានក្រុមណានៅអឺរ៉ុបមានប្រយុទ្ធ៣ខាងលើល្អជាង Liverpool ទេ"៕