Drogba ចាត់ទុក Mourinho ជាមនុស្សពិសេសសម្រាប់ខ្លួន
- 2018-11-28 12:14:40
- ចំនួនមតិ 0 | ចំនួនចែករំលែក 0
Drogba ចាត់ទុក Mourinho ជាមនុស្សពិសេសសម្រាប់ខ្លួន
ចន្លោះមិនឃើញ
អតីតវីរបុរសរបស់ Chelsea កីឡាករ Didier Drogba បានប្រាប់សារព័ត៌មានអង់គ្លេស BBC ថាអ្នកចាត់ការក្លឹប Manchester United ជាមនុស្សពិសេសមួយរូបសម្រាប់ខ្លួន។
កីឡាករវ័យ ៤០ឆ្នាំរូបនេះ បាននិយាយថា៖ " Jose Mourinho ជាមនុស្សម្នាក់ដែលពិសេសសម្រាប់ខ្ញុំ។ យើងមានទំនាក់ទំនងពិសេសមួយ ព្រោះពេលដែលគាត់សម្រេចចិត្តយកខ្ញុំ ប្រៀបដូចជាគាត់ផ្លាស់ប្ដូរជីវិតខ្ញុំអញ្ចឹង ដោយសារតែការសម្រេចចិត្តរបស់គាត់មានឥទ្ធិពលលើអាជីពរបស់ខ្ញុំ " ។
អតីតខ្សែប្រយុទ្ធកូឌីវ័ររូបនេះបានបន្តថា៖ " គាត់ប្រាប់ខ្ញុំថា 'បើអ្នកចង់ក្លាយជាកីឡាករល្អជាងគេ អ្នកត្រូវតែមកលេងជាមួយក្លឹបដែលល្អជាងគេលើលោក និងក្រោមការដឹកនាំរបស់អ្នកចាត់ការល្អជាងគេលើលោក ' ពេលនោះខ្ញុំក៏មក Chelsea ហើយបន្ទាប់មកអ្វីៗបានក្លាយជាប្រវត្តិសាស្ត្រ " ។
Drogba បានផ្ទេរមកលេងនៅ Chelsea ក្នុងឆ្នាំ ២០០៤ ហើយរូបគេបានរកគ្រាប់បាល់ ១០៤គ្រាប់ ក្នុងការបង្ហាញខ្លួន ២៥៤ដង។ កីឡាកររូបនេះ សម្រេចចិត្តចូលនិវត្តន៍នៅរដូវកាលនេះហើយ៕