ផលដំណាំធ្លាក់ថ្លៃខ្លាំង កសិករឥណ្ឌាផ្ទុះការតវ៉ាទាមទារឲ្យរដ្ឋាភិបាលធ្វើតាមសន្យា
- 2018-11-30 03:53:00
- ចំនួនមតិ 0 | ចំនួនចែករំលែក 0
ផលដំណាំធ្លាក់ថ្លៃខ្លាំង កសិករឥណ្ឌាផ្ទុះការតវ៉ាទាមទារឲ្យរដ្ឋាភិបាលធ្វើតាមសន្យា
ចន្លោះមិនឃើញ
កសិកររាប់ម៉ឺននាក់ បាននាំគ្នាចេញមកតវ៉ានៅរដ្ឋធានីប្រទេសឥណ្ឌាទាមទារឲ្យមានការលប់បំណុល និងការកំណត់តម្លៃកសិផលឲ្យបានសមរម្យ។
យ៉ាងហោចណាស់ កសិករជាង ៣ម៉ឺននាក់តំណាងឲ្យសមាគមកសិករជាង ២០០ បានចេញមកតវ៉ាកាលពីថ្ងៃព្រហស្បតិ៍ដែលមានប្រវែងជាង ៤គីឡូម៉ែត្រពីសភាឥណ្ឌានៅភាគកណ្ដាលនៃរដ្ឋធានី New Delhi។ ការតវ៉ានេះធ្វើឡើងក្រោយតម្លៃដំណាំផ្សេងៗរួមទាំងស្រូវ, គ្រាប់ធញ្ញជាតិ និងគ្រាប់ពូជប្រេង នៅក្នុងទីផ្សារមានការធ្លាក់ចុះក្រោមអត្រាដែលកំណត់ដោយរដ្ឋាភិបាល។ លើសពីនេះទៀត ក្រុមកសិករទាមទារឱ្យមានសម័យប្រជុំពិសេសមួយដើម្បីធានាតម្លៃដំណាំ និងការលប់ចោលបំណុលកសិកម្មនៅទូទាំងប្រទេស ខណៈពេលការចំណាយលើជី និងធនធានកសិកម្មកំពុងកើនឡើងខ្ពស់។
គួរឲ្យដឹងថា កាលពីមុនជាប់ឆ្នោតនៅឆ្នាំ ២០១៤ ប្រធានាធិបតីឥណ្ឌាលោក Narendra Modi បានសន្យាថានឹងផ្ដល់ឲ្យកសិករនៅផលចំណេញ ៥០ភាគរយលើផលដំណាំ។ ប៉ុន្តែផ្ទុយស្រឡះពីអ្វីដែលសន្យា ដំណាំកសិកម្មកំពុងធ្លាក់ថ្លៃយ៉ាងគំហុក ខណៈកសិករជាច្រើនកំពុងប្រឈមនឹងការរឹបអូសទ្រព្យសម្បត្តិដោយសារកម្ចីពីធនាគារ៕