ខ្លាំងបាត់ គង់ សុជាតិ ទទួលបានវិញ្ញាបនបត្រពីស្ថាប័នកម្រិតពិភពលោកមួយ លើទឹកដីអឺរ៉ុប

2018-11-30 05:28:35
ចំនួនមតិ 0 | ចំនួនចែករំលែក 0

ចន្លោះមិនឃើញ

គង់ សុជាតិ បានទទួលវិញ្ញាបនបត្រមួយ នៅក្នុងប្រទេសអូទ្រីស ជាទីដែលនាង និងស្វាមីបានដឹកដៃគ្នាទៅលំហែកាលពីពាក់កណ្ដាលខែវិច្ឆិកានេះ។ នេះបើតាមលោក គង់ វិបុល ជាស្វាមីបានបញ្ចេញឲ្យដឹងនៅថ្ងៃនេះ។

នៅលើបណ្ដាញសង្គមរបស់ខ្លួន គង់ វិបុល បានថ្លែងអបអរភរិយារបស់ខ្លួនដែលទទួលបានវិញ្ញាបនបត្រកម្រមួយនេះ ហៅថា "វិញ្ញាបនបត្រប៉ាក់ចិញ្ចើម (PhiBrows Artist)។ វិញ្ញាបនបត្រនេះ អ្នកនាង គង់ សុជាតិ ទទួលបានពី PhiAcedamic (ស្ថាប័នបច្ចេកទេសប៉ាក់ចិញ្ចឹមទំនើបចុងក្រោយបំផុតក្នុងពិភពលោក) នៅទីក្រុង Vienna ប្រទេសអូទ្រីស។

តាមបុរសជាស្វាមីដដែល វិញ្ញាបនបត្រដែលអ្នកនាង គង់ សុជាតិ ទទួលបាននាពេលនេះ គឺតំណាងឲ្យសិស្សនិស្សិតជាជនជាតិខ្មែរម្នាក់នៅប្រទេសអូទ្រីស ក្នុងកម្មសិក្សាខាងលើ។ យ៉ាងណា មិនមានការបញ្ជាក់អំពីចំនួនកម្មសិក្សាការី សរុប ក៏ដូចជាកម្មសិក្សាការីជាជនជាតិខ្មែរប៉ុន្មាននោះទេ។ បែបនេះក្ដី អ្នកគាំទ្រជាច្រើនរបស់ពិធីការិនីល្បីឈ្មោះ បាន និងកំពុងសាទរចំពោះសមិទ្ធផលរបស់អ្នកនាង។

អ្នកនាង គង់ សុជាតិ និងស្វាមី ត្រូវបានគេឃើញដឹកដៃគ្នាទៅកាន់ទឹកដីអឺរ៉ុប ដោយគោលដៅ គឺប្រទេសអូទ្រីសកាលពីពាក់កណ្ដាលខែនេះ។ លោក ជា វិបុល ធ្លាប់អះអាងថា សកម្មភាពនេះ គឺលោកឆ្លៀត ក្រោយបញ្ចប់ភារកិច្ចដ៏មមាញឹករបស់ពួកលោក ក្នុងអំឡុងបុណ្យអុំទូក អកអំបុក លយប្រទីប និងសំពះព្រះខែដែលទើបនឹងកន្លងផុតទៅថ្មីៗនេះ ដើម្បីចងក្រងអនុស្សាវរីយ៍ល្អក្នុងជីវិតភរិយា ស្វាមី របស់ពួកគេ៕

អត្ថបទ៖ ទារិកា