គ្រូ Everton ត្រៀមបញ្ចប់ភាពមិនដែលឈ្នះ Liverpool រយៈពេល១៩ឆ្នាំនៅ Anfield
- 2018-12-01 03:46:24
- ចំនួនមតិ 0 | ចំនួនចែករំលែក 0
គ្រូ Everton ត្រៀមបញ្ចប់ភាពមិនដែលឈ្នះ Liverpool រយៈពេល១៩ឆ្នាំនៅ Anfield
ចន្លោះមិនឃើញ
លោក Marco Silva និយាយថា Everton គ្មានការភ័យខ្លាចអ្វីនោះទេសម្រាប់ការប្រកួត Merseyside derby ជាមួយ Liverpool និងគ្រោងបញ្ចប់ភាពមិនដែលឈ្នះ១៩ឆ្នាំនៅកីឡដ្ឋាន Anfield នៃពាន Premier League។
Liverpool មានឥទ្ធិពលខ្លាំងសម្រាប់ការប្រកួតក្នុងផ្ទះរាល់ពេលជួប Everton រយៈពេលជិត២ទសវត្សរ៍ចុងក្រោយ។ ហង្សក្រហមក៏មិនដែលចាញ់សោះនៅ១៧ប្រកួតចុងក្រោយ ពេលជួប Evterton គិតគ្រប់កម្មវិធី។ Everton ពេលនេះកំពុងនៅលេខ៦នៃតារាងពិន្ទុ Premier League ខណៈ Liverpool នៅលេខ២មិនទាន់ស្គាល់ពាក្យចាញ់សោះនៅ១៣ប្រកួតកន្លងទៅ។ Silva គោរពចំពោះដៃគូដែលត្រូវប្រកួតនៅថ្ងៃអាទិត្យស្អែក តែបញ្ជាក់ថា ប្រវត្តិសាស្ត្រមិនអាចជះឥទ្ធិពលលើក្រុមរបស់លោកឡើយ។
“កីឡាកររបស់ខ្ញុំយល់នៅពាក្យ “ខ្លាច” តែវាមិនអាចចូលមកកាន់ពួកយើងទេ។ មហិច្ឆតាតែងតែនៅទីនេះ។ ពួកយើងត្រូវតែខ្លាំងគ្រប់ពេលវេលាសម្រាប់ប្រកួតទល់នឹងពួកគេ។ ការឈ្នះការប្រកួតតែងតែនៅក្នុងចិត្តរបស់ពូកយើង គ្មានអ្វីផ្សេងទេ”៕ សម្ដី Marco Silva៕