ព្រោះក្មេងតូចម្នាក់នេះ ទើប Justin ខំប្រកាសថានឹងចេញបទថ្មីលឿនលើសពីការរំពឹងទុក
- 2018-12-01 05:54:25
- ចំនួនមតិ 0 | ចំនួនចែករំលែក 0
ព្រោះក្មេងតូចម្នាក់នេះ ទើប Justin ខំប្រកាសថានឹងចេញបទថ្មីលឿនលើសពីការរំពឹងទុក
ចន្លោះមិនឃើញ
អ្នកគាំទ្រ Justin Bieber មានសង្ឃឹមឡើងវិញហើយ ក្រោយតារាប្រុសរូបនេះបង្ហាញតម្រុយថានឹងអាចវិលមកវិញឆាប់ៗ។
យោងតាមវិបសាយ EOnline បានសន្និដ្ឋានថាតារាចម្រៀងជនជាតិកាណាដា Justin Bieber គ្រោងនឹងចេញបទថ្មីក្នុងពេលឆាប់ៗនេះ ក្រោយក្មេងតូចដែលជាអ្នកគាំទ្រម្នាក់បង្ហាញអារម្មណ៍ខកចិត្ត និងនិយាយថា Justin ឈប់ច្រៀង។
អមជាមួយវីដេអូក្មេងស្រីម្នាក់ដែលជាអ្នកគាំទ្រតូចដែលរអ៊ូថា Justin លែងច្រៀង លោកដែលជាសាមីខ្លួនបានសរសេរពីក្រោមវីដេអូថា៖"កុំជឿអ្វីដែលក្មេងតូចនោះនិយាយ អ្នកនឹងឮអ្វីថ្មីពីខ្ញុំក្នុងពេលឆាប់ៗ លឿនជាងអ្វីដែលអ្នកគិតទៅទៀត”។
តាមរយៈពាក្យនេះ បានដាស់អារម្មណ៍អ្នកគាំទ្រដែលរង់ចាំការវិលមកវិញរបស់តារាប្រុសរូបនេះ ឲ្យមានសង្ឃឹមសាជាថ្មី។ គ្រប់គ្នាស្ទើរតែមិនអាចចាំបានដល់ថ្ងៃដែល JB នឹងបង្ហាញបទថ្មី ក្រោយដកខ្លួនពីសិល្បៈ និងចំណាយពេលជាមួយ Hailey មួយរយៈធំមក៕