Lukaku រងរបួសដោយសារទប់បាល់ខុសខ្លួនឯង
- 2018-12-02 03:30:59
- ចំនួនមតិ 0 | ចំនួនចែករំលែក 0
Lukaku រងរបួសដោយសារទប់បាល់ខុសខ្លួនឯង
ចន្លោះមិនឃើញ
Romelu Lukaku បានរងរបួសព្រោះមូលហេតុនឹកស្មានមិនដល់ក្នុងការប្រកួតដែល Manchester United ស្មើគ្នា ២ទល់នឹង២កាលពីយប់មិញ។
ខ្សែប្រយុទ្ធសញ្ជាតិប៊ែលហ្សិកសាងគុណសម្បត្តិស៊ុតបាន១គ្រាប់ឲ្យ United តាមពីក្រោយ២-១ នៅនាទី៣៣ មុនពេលដែល Ander Herrera បន្ថែមគ្រាប់ទី២ នៅ៦នាទីបន្ទាប់។ យ៉ាងណា Lukaku ត្រូវលោក Jose Mourinho បង្ខំចិត្តប្ដូរចេញវិញនៅចុងវគ្គទីពីរដោយសាររងរបួស។
នៅនាទី៨៤ អតីតកីឡាករ Everton រូបនេះបានព្យាយាមគ្រប់គ្រងបាល់ពីការបញ្ជូនរបស់មិត្តរួមក្រុមតែបែរជាជាន់បាល់ក្រឡាច់ធ្វើឲ្យដួលលើទីលាន និងមានបញ្ហាជង្គង់ស្ដាំមិនអាចបន្តការប្រកួតបាន។ Jesse Lingard គឺជាអ្នកដែលត្រូវគ្រូបង្វឹកប្ដូរចូលជំនួស។
នៅលើបណ្ដាញសង្គមវិញមានការរិះគន់ខ្លាំងលើទម្រង់លេងរបស់ Lukaku បើទោះជារូបគេរកបាន១គ្រាប់ក៏ដោយ។ អ្នកគាំទ្រខ្លះបានបញ្ចេញមតិថា ប្រហែលជាមានតែរូបគេទេលើលោកនេះដែលរងរបួសដោយសារទប់បាល់ខុសខ្លួនឯង៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
