អតីតប្រធានាធិបតីអាមេរិកប៉ុន្មានរូបដែលនៅមានជីវិត?

2018-12-03 10:52:52
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃសៅរ៍កន្លងទៅ លោកប្រធានាធិបតីទី៤១របស់សហរដ្ឋអាមេរិកដែលកាន់តំណែងពីឆ្នាំ ១៩៨៩ ដល់ ឆ្នាំ ១៩៩៣ លោក George H.W. Bush បានទទួលមរណភាពក្នុងអាយុ ៩៤ឆ្នាំ ដែលធ្វើឲ្យនៅសល់អតីតប្រធានាធិបតី ៤រូប ប៉ុណ្ណោះដែលនៅរស់រានមានជីវិត។ ពួកគាត់ទាំង៤រូប មានដូចជា៖

១. លោក Jimmy Carter៖ ជាអតីតប្រធានាធិបតីសហរដ្ឋអាមេរិកចាស់ជាងគេ ដែលមានអាយុ ៩៤ឆ្នាំ។ គាត់បានក្លាយជាប្រធានាធិបតីនៅឆ្នាំ ១៩៧៧ តែគាត់ធ្វើការបានតែមួយអាណត្តិប៉ុណ្ណោះ។

២. លោក Bill Clinton៖ ក្នុងពេលបច្ចុប្បន្ននេះ គាត់មានអាយុ ៧២ឆ្នាំ ខណៈគាត់បានជាប់ជាប្រធានាធិបតីសហរដ្ឋអាមេរិកនៅឆ្នាំ ១៩៩២ ក្នុងអាយុ ៤៦ឆ្នាំ ហើយគាត់កាន់តំណែងពីឆ្នាំ ១៩៩៣ រហូតដល់ឆ្នាំ ២០០១ ។

៣. លោក George W Bush៖ ជាកូនរបស់លោកប្រធានាធិបតីទី ៤១ George H.W. Bush។ ក្នុងឆ្នាំនេះ លោកមានអាយុ ៧២ឆ្នាំ ហើយ។ គាត់បានកាន់តំណែងពី ឆ្នាំ ២០០១ រហូតដល់ឆ្នាំ ២០០៩។

៤. លោក Barack Obama៖ ជាប្រធានាធិបតីស្បែកខ្មៅដំបូងគេក្នុងប្រវត្តិសាស្ត្រសហរដ្ឋអាមេរិក ដែលក្នុងបច្ចុប្បន្ននេះ លោកមានអាយុ ៥៧ឆ្នាំ។ លោកបានជាប់ឆ្នោតអាណត្តិដំបូងក្នុងឆ្នាំ ២០០៨ និងកាន់តំណែងរហូតដល់ឆ្នាំ ២០១៧ ដែលលោក Donald Trump ជាអ្នកបន្តវេន៕