អតីតអ្នកហ្វឹកហាត់ចូលក្រុម BTS ម្នាក់ទម្លាយពីចរិតពិតរបស់សមាជិកទាំងអស់ ខ្ទេចគ្មានសល់
- 2018-12-03 02:10:02
- ចំនួនមតិ 0 | ចំនួនចែករំលែក 0
អតីតអ្នកហ្វឹកហាត់ចូលក្រុម BTS ម្នាក់ទម្លាយពីចរិតពិតរបស់សមាជិកទាំងអស់ ខ្ទេចគ្មានសល់
ចន្លោះមិនឃើញ
អតីតអ្នកហ្វឹកហាត់ចូលជាសមាជិកក្រុម BTS របស់ផលិតកម្ម Big Hit ម្នាក់ បានចែករំលែកពីអ្វីដែលលោកធ្លាប់បានឆ្លងកាត់អំឡុងពេល ហ្វឹកហាត់ជាមួយសមាជិកក្នុងក្រុម BTS។ តាមរយៈគណនី YouTube ផ្ទាល់ខ្លួនរបស់លោកដែលមានឈ្មោះថា "Bit-Hoon TV” បុរសរូបនេះ បានទម្លាយពីអត្តចរិតរបស់សមាជិកនីមួយៗ ខណៈពួកលោកធ្វើការហ្វឹកហាត់ជាមួយគ្នា។
ក្នុងវីដេអូនោះដែរ អតីតអ្នកហាត់ការរូបនេះបាននិយាយថា៖ "អ្វីដែលធ្វើឲ្យ BTS មានលក្ខណៈខុសពីអ្នកហ្វឹកហាត់ដទៃរបស់ក្រុមហ៊ុនផ្សេងៗនោះគឺថា ពួកគេគ្មានការប្រកួតប្រជែងចំពោះសមាជិកក្រុមខ្លួនឡើយ។ ខ្ញុំមិនធ្លាប់ហ្វឹកហាត់ក្នុងក្រុមហ៊ុនដទៃផ្សេងទៀតទេ ប៉ុន្តែរឿងប្រកួតប្រជែងគ្នាក្នុងក្រុមខ្លួនឯងនេះ ខ្ញុំធ្លាប់ឮពាក្យចចាមអារ៉ាមច្រើន។ ខ្ញុំអាចយល់ថាហេតុអីបានជាពួកគេធ្វើបែបនេះ ប៉ុន្តែសម្រាប់ BTS វិញ ពួកគេមិនដូចអ្នកទាំងនោះឡើយ។ ថ្ងៃមួយ ខ្ញុំចាំថា Namjoon បានហៅពួកយើងមកជុំគ្នាដើម្បីនិយាយរឿងសំខាន់មួយ។ លោកនិយាយថា 'Jihoon លោកអាចនឹងត្រូវចូលប្រឡូកសិល្បៈមុនខ្ញុំ ឬអ្នកផ្សេងទៀតអាចចូលមុន ប៉ុន្តែអ្វីដែលសំខាន់នោះគឺថា ពួកយើងត្រូវតែគាំទ្រគ្នាទៅវិញទៅមក'”។
បុរសរូបនេះបានទម្លាយពីការរស់នៅរបស់ពួកគេក្នុងកន្លែងស្នាក់នៅជាមួយគ្នា។ "ពួកយើងកម្រនៅឆ្ងាយពីគ្នាណាស់។ យើងនៅជាមួយគ្នាតាំងពីព្រឹករហូតដល់យប់។ អ្នកទាំងអស់គ្នាដឹងហើយថា ពួកយើងរវល់ និងប្រញាប់រៀបចំខ្លួនទៅសាលានៅពេលព្រឹក ដូច្នេះយើងប្រើប្រាស់បន្ទប់ទឹករួមគ្នា។ ម្នាក់ចូលងូតទឹក ហើយម្នាក់ទៀតចូលបង្គន់ ហើយម្នាក់ទៀតអាចដុសធ្មេញក្នុងពេលតែមួយ។ ពួកយើងជិតស្និទ្ធគ្នាបែបនេះឯង។ ខ្ញុំចំណាយពេល១ ឆ្នាំរស់នៅបែបនេះ"។
“យើងទាំងអស់គ្នាបានដឹងហើយថា មានតារាល្បីៗជាច្រើនដែលតែងតែរៀបឫកដើម្បីឲ្យក្លាយជាមនុស្សអស្ចារ្យលើកញ្ចក់ទូរទស្សន៍ ប៉ុន្តែសម្រាប់សមាជិកក្រុម BTS ពួកគេគឺពិតជាមានចរិតល្អខ្លាំងណាស់។ អ្វីដែលអ្នកឃើញក្នុងទូរទស្សន៍យ៉ាងណា ចរិតក្រៅរបស់ពួកគេគឺយ៉ាងហ្នឹងដូចគ្នា។ ពេលខ្លះពួកគេ លេងឡប់ៗ តែគួរឲ្យស្រឡាញ់ និងពិតជាតស៊ូព្យាយាមខ្លាំង"៕
ទស្សនាវីដេអូខាងក្រោម៖