Minho ត្រូវបញ្ជូនទៅសង្គ្រោះបន្ទាន់ភ្លាមៗ ក្រោយរងរបួសពេលថតរឿង

2018-12-03 04:19:15
ចំនួនមតិ 0 | ចំនួនចែករំលែក 0

ចន្លោះមិនឃើញ

មុននេះមានសេចក្ដីរាយការណ៍មកថា សមាជិកប្រចាំក្រុម SHINee ប្រុសស្អាត Choi Minho ត្រូវគេបញ្ជូនទៅព្យាបាលភ្លាមៗក្រោយរងរបួសពេលថតរឿង។

នៅថ្ងៃទី ០៣ ខែធ្នូនេះ អ្នកតំណាងម្នាក់មកពីក្រុមការងារថតរឿង "Jangsari 9.15” បានប្រកាសថា តារាប្រុសរាងខ្ពស់សន្លឹម Choi Minho បានរងរបួសនៅលើមុខ អំឡុងពេលបំពេញការងារថតកុន។ ផលិតកម្មវិញក៏បានបន្ថែមដែរថា "ពេលកំពុងថតរឿង កាលពីថ្ងៃទី ០២ ខែធ្នូ Minho ថតឈុតមួយជាមួយនឹងបច្ចេកទេសពិសេស ប៉ុន្តែភ្លាត់ស្នៀតរបួសត្រង់ថ្ពាល់ឆ្វេង”។

ពួកគេបានបន្តថា៖ "ភ្លាមៗ គេបានបញ្ជូន Minho ចូលបន្ទប់សង្គ្រោះបន្ទាន់ ដើម្បីព្យាបាល។ យើងនឹងបន្តតាមដានស្ថានភាពនៃការព្យាបាលរបស់គាត់។ Minho នឹងចំណាយពេលសម្រាកពីការថតពី ៣ទៅ ៤ថ្ងៃ។ យើងចង់ឲ្យ Minho ជាសះស្បើយពីរបួសឲ្យបានស្រួលបួលសិន មុនបន្តការងារថត”។

យ៉ាងណាអ្នកគាំទ្រក៏បាននាំគ្នាជូនពរ តារាប្រុសរូបនេះចាសះស្បើយឆាប់ៗ និងកុំឲ្យជួបហេតុការណ៍បែបនេះទៀត៕

ប្រភព៖ kstarlive ប្រែសម្រួល៖ យី សុធារី