រ៉ូប មាស សុខសោភា ម៉ូដទាក់ភ្នែកមិនធម្មតា តែបើដឹងតម្លៃវិញ រឹតដាច់ផ្ងារ

2018-12-04 01:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពេលឡើងកម្មវិធីម្ដងៗ កំពូលតារាចម្រៀង មាស សុខសោភា តែងបង្ហាញខ្លួនជាមួយការតុបតែងយ៉ាងលេចធ្លោ ធ្វើឲ្យអ្នកគាំទ្រសម្លឹងមិនដាក់ភ្នែក។

ជាកំពូលតារាចម្រៀង រាល់សកម្មភាពរបស់តារាស្រីរូបនេះគ្រប់ទិសទី ត្រូវបានទស្សនិកជនតាមដាន សូម្បីតម្លៃរ៉ូប សម្រាប់ឡើងកម្មវិធីមួយរយៈចុងក្រោយនេះ រឹតតែធ្វើឲ្យប្រិយមិត្តចង់ដឹងពីតម្លៃ ដោយសារតែមានភាពស្រស់ស្អាតយ៉ាងទាក់ទាញមិនធម្មតា។

ប្រភពពីលោក Oliva Kong អ្នករចនាម៉ូដ ប្រាប់ថា ម្ចាស់បទ "មួយពាន់រាត្រី" ជាម៉ូយប្រចាំហាងរបស់លោក ហើយបើនិយាយពីតម្លៃវិញ រ៉ូបនីមួយៗរបស់កញ្ញា មាស សុខសោភា ថ្លៃចន្លោះ ពី ២០០-១ ០០០ ដុល្លារ ក្រោយបញ្ចុះតម្លៃជាពិសេសសម្រាប់កំពូលតារាចម្រៀងរូបនេះរួច។

ចំពោះការបញ្ចេញម៉ូដ គឺខាងលោក ជាអ្នករចនាជូន ដោយតម្លៃរ៉ូបខ្លះ ត្រូវការប៉ាក់ឌិនច្រើន ប្រើសម្ភារៈថ្លៃៗ និងម៉ូដច្រើន មានប្រើរោមសត្វ ដូច្នេះតម្លៃអាស្រ័យទៅតាមនោះដែរ។

ប៉ុន្តែ ដោយសារកញ្ញា មាស សុខសោភា ជាកំពូលតារាចម្រៀង និងជាអតិថិជនប្រចាំ សម្រាប់ហាងរបស់លោកទៅហើយ ដូច្នេះរ៉ូបមួយចំនួន មានការបញ្ចុះតម្លៃជាពិសេសជូន៕

អត្ថបទ៖ លឹម សុនា