អ្នកគាំទ្រ Spurs និង Arsenal សរុប ៧នាក់បានចាប់ខ្លួនក្រោយប្រកួតម្សិលមិញ
- 2018-12-03 12:29:29
- ចំនួនមតិ 0 | ចំនួនចែករំលែក 0
អ្នកគាំទ្រ Spurs និង Arsenal សរុប ៧នាក់បានចាប់ខ្លួនក្រោយប្រកួតម្សិលមិញ
ចន្លោះមិនឃើញ
បើតាមការលើកឡើងរបស់ប៉ូលិសក្រុងឡុងដុង អ្នកគាំទ្ររបស់ក្លឹប Arsenal និងក្លឹប Tottenham Hotspur សរុបចំនួន ៧នាក់បានឃាត់ខ្លួន ក្រោយប្រកួតរវាង Arsenal និង Tottenham Hotspur កាលពីថ្ងៃអាទិត្យម្សិលមិញនេះ។
ក្នុងនោះ អ្នកគាំទ្រ ៦នាក់ (យ៉ាងតិចអ្នកគាំទ្រ Arsenal ២នាក់) បានចាប់ខ្លួនពីបទធ្វើឲ្យខូចសណ្ដាប់ធ្នាប់សាធារណៈ ដោយសារតែពួកគេបានប្រើប្រាស់កំប៉ុងផ្សែងកំឡុងពេលប្រកួត។ ចំណែកអ្នកគាំទ្រ Spurs ម្នាក់ត្រូវបានចាប់ខ្លួន ដោយសារតែគប់សំបកចេកទៅកាន់ ខ្សែប្រយុទ្ធArsenal កីឡាករAubameyang ពេលកំពុងអបអរគ្រាប់បាល់។
តាមរយៈសកម្មភាពប្រមាថកីឡាករនេះ សហព័ន្ធបាល់ទាត់អង់គ្លេសអាចនឹងបើកការស៊ើបអង្កេតជុំវិញបញ្ហានេះ ចំណែកឯអ្នកនាំពាក្យក្លឹប Tottenham Spur បានលើកឡើងថា សកម្មភាពរបស់អ្នកគាំទ្រពិតជាអាកប្បកិរិយាមិនអាចទទួលយកបាន និងប្រឈមហាមឃាត់មិនឲ្យចូលមើលប្រកួត។
ក្នុងប្រកួតដ៏តានតឹងរវាងគូប្រជែងក្រុងឡុងដុងភាគខាងជើងនេះ ក៏មានបញ្ហាក្នុងទីលានដែរ ដោយមានការប៉ះទង្គិចរវាងកីឡាករ Spurs និង Arsenal ក្រោយពេលដែល Eric Dier បានរកគ្រាប់បាល់តាមស្មើ នៅនាទីទី ៣០៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
