Ballon d’Or នារីលើកដំបូងបានទៅលើកីឡាការិនីឆ្នើមរបស់ ន័រវែស
- 2018-12-04 01:31:05
- ចំនួនមតិ 0 | ចំនួនចែករំលែក 0
Ballon d’Or នារីលើកដំបូងបានទៅលើកីឡាការិនីឆ្នើមរបស់ ន័រវែស
ចន្លោះមិនឃើញ
Ada Hegerberg របស់ក្លឹប Lyon និងក្រុមជម្រើសជាតិន័រវែសបានក្លាយជាកីឡាការិនីដំបូងឈ្នះពាន Ballon d'Or ផ្នែកនារី ដែលទើបបង្កើតឡើងលើកទីមួយ។
កីឡាការិនីវ័យ២៣ឆ្នាំចូលរួមជាមួយ Lyon ក្នុងឆ្នាំ២០១៤ និងមានគុណសម្បត្តិជួយក្លឹបឈ្នះលីគកំពូល និងពាន Champions League ផ្នែកនារី៣រដូវកាលជាប់ៗគ្នា។ លេងក្នុងតួនាទីជាខ្សែប្រយុទ្ធ Hegerberg រកបាន១៥៧គ្រាប់ ក្នុងការបង្ហាញខ្លួន១២៥ប្រកួតឲ្យ Lyon និង៣៨គ្រាប់ផ្សេងទៀតឲ្យក្រុមជម្រើសជាតិនារីន័រវែស។
ចំពោះចំណាត់ថ្នាក់លេខ២បានទៅលើកីឡាការិនី Pernille Harder មកពីដាណឺម៉ាក និងលេខ៣បានលើ កីឡាការិនី Dzsenifer Marozsán មកពីអាល្លឺម៉ង់។ កាលពីឆ្នាំ២០១៦តារាឆ្នើម មកពីទីក្រុង Molde រូបនេះធ្លាប់ត្រូវបានបោះឆ្នោតឲ្យឈ្នះពានកីឡាការិនីឆ្នើមប្រចាំទ្វីបអឺរ៉ុប៕