មិនមែនមានតែ Fan Bingbing ទេ តារា ១៧នាក់ទៀតក៏កំពុងធ្ងន់កករណីមិនបង់ពន្ធដែរ

2018-12-04 01:50:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ករណីគេចពន្ធរបស់តារាសម្ដែង Fan Bingbing បានធ្វើឲ្យពិភពសិល្បៈចិនអាប់ឱនជាខ្លាំង ហើយនៅទីបញ្ចប់ តារាស្រីរូបនេះត្រូវបង់ប្រាក់ពិន័យរហូតដល់ទៅ ៨៨៣លានយ័ន (ប្រហែល ១២៨លានដុល្លារ) ទៅកាន់អាជ្ញាធរពន្ធរបស់ប្រទេសចិន។

Fan Bingbing

ដោយឡែកផ្អែកតាមការបែកធ្លាយព័ត៌មានពីផលិតកម្ម Hengdian World Studios រដ្ឋបាលពន្ធដារ បានទាក់ទងតារាៗចំនួន ១៧នាក់ ក្នុងរយៈពេល ៣ថ្ងៃ ដោយសារករណីឯកសារពន្ធរបស់ពួកគេ។

រដ្ឋបាលខេត្ត Zhejiang បានទាក់ទងតារាប្រុសស្រីរបស់ចិនចំនួន ១៧នាក់ ហើយបានកោះហៅពួកគេទាំងនោះជាបន្តបន្ទាប់ឲ្យមកបង់ពន្ធដែលបានហួសកំណត់របស់ពួកគេទាំងអស់ នៅថ្ងៃទី ១៥ ខែធ្នូ ឆ្នាំ ២០១៨។ "ពន្ធហួសកាលកំណត់" នោះរួមបញ្ចូល ២០ភាគរយនៃប្រាក់ចំណូលសរុបដែលរកបានតាមរយៈផលិតកម្មរបស់ពួកគេ។

ទោះជាយ៉ាងណា ខាងក្រុមការងាររដ្ឋបាល មិនបានបញ្ជាក់ថាអ្នកដែលជាប់ពាក់ពន្ធទាំង ១៧នាក់នោះមានតារាណាខ្លះទេ។ ប៉ុន្តែបើតាមពាក្យលេចឮបានឲ្យដឹងថា ក្នុងចំណោមនោះមាន Yang Mi, Zhao Liying, និង Hu Yutian ផងដែរ៕