Hailey និង Justin ឈ្លោះគ្នាជាថ្មី ពាក់ព័ន្ធនឹង Selena
- 2018-12-04 01:59:59
- ចំនួនមតិ 0 | ចំនួនចែករំលែក 0
Hailey និង Justin ឈ្លោះគ្នាជាថ្មី ពាក់ព័ន្ធនឹង Selena
ចន្លោះមិនឃើញ
កាលពីពេលថ្មីៗនេះ គណនីលើ Youtube មួយឈ្មោះ X17 Onlineបានបង្ហោះវីដេអូមួយបង្ហាញពីសកម្មភាពតារាចម្រៀង Justin Bieber និងប្រពន្ធរបស់លោក Hailey Baldwin មានការទាស់សម្ដីគ្នាក្នុងហាងកាហ្វេ Blue Bottle។ ការទាស់ពាក្យសម្ដីគ្នានេះដែរ កើតមានឡើងដោយសារតែ Hailey ប្រាប់ Justin ថារូបនាងចង់ទៅហាត់ប្រាណនៅកន្លែងហាត់ Yoga មួយកន្លែងនៅក្នុងតំបន់ West Hollywood ដែលជាកន្លែង Selena ចូលចិត្តទៅបំផុត។ ក្រោយពិភាក្សាគ្នាចប់ គូស្នេហ៍តារាមួយគូនេះ បានចាកចេញពីហាងកាហ្វេ ចែកផ្លូវគ្នាទៅរៀងៗខ្លួន។
ជាការពិតណាស់ ការសម្រេចចិត្តរបស់ Hailey មួយនេះ បានធ្វើឲ្យ Justin មិនសប្បាយចិត្ត ព្រោះនាងបានធ្វើឲ្យលោកនឹករឭកដល់រឿងរ៉ាវចាស់ៗ។ ជាងនេះទៅទៀត លោកក៏បារម្ភដែរថា ទង្វើរបស់ភរិយារបស់លោក អាចនឹងធ្វើឲ្យមានការប៉ះពាល់ផ្លូវចិត្តរបស់ Selena។ ក្រោយ Justin និង Hailey រៀបការជាមួយគ្នារួចមក តារាចម្រៀង Selena បានទទួលរងការព្យាបាលជំងឺផ្លូវចិត្ត និងនៅតែខំលាក់បាំងខ្លួនពីបណ្ដាញសារព័ត៌មាន។ Hailey ក៏ទទួលបានបុរសជាទីស្រឡាញ់នាង ហើយប្រសិនបើ Hailey ទៅកន្លែងដែលនាងចូលចិត្តទៀតនោះ ជំងឺផ្លូវចិត្តរបស់ Selena អាចនឹងប្រឈមមុខសាជាថ្មី។
ទោះជាយ៉ាងណាក៏ដោយ តារាម៉ូដែល Hailey ហាក់ជជែកឈ្នះតារាចម្រៀង Justin Bieber ព្រោះរូបនាង ត្រូវបានប្រទះឃើញស្លៀកឈុតកីឡា ដើរចូលទៅកន្លែងហាត់ប្រាណដែលជាកន្លែងសំណព្វរបស់តារាចម្រៀង Selenaនោះ។ ខណៈក្រុមអ្នកប្រមាញ់ព័ត៌មានព្យាយាមសួរសំនួរទៅនាង តារាម៉ូដែលស្រីរូបនេះ ព្យាយាមគេចមិនព្រមផ្ដល់ចម្លើយអ្វីឡើយ៕
ទស្សនាវីដេអូខាងក្រោម៖