អ្នកហាត់បាល់ទះអាជីពមួយចំនួនធំ កាន់តែអស់សង្ឃឹមក្រោយគ្មានការប្រកួត

2018-12-04 02:17:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមអ្នកហាត់បាល់ទះនៅតាមក្លឹបធំក្នុងប្រទេសកម្ពុជាមួយចំនួនធំ បានផ្ដល់ដំណឹងមកថា ហាក់បាត់បង់ជំនឿចិត្ត និងកាន់តែអស់សង្ឃឹមបន្ទាប់ពីគ្មានការប្រកួតលក្ខណៈក្នុងស្រុកទាល់តែសោះ គិតចាប់ពីចប់កីឡាករជាតិលើកទី២ ដើមឆ្នាំ២០១៨មកដល់បច្ចុប្បន្ន។

សកម្មភាពលើកពានរបស់វិសាខាកាលកីឡាជាតិលើកទី២

ព្រឹត្តិការណ៍កីឡាជាតិគឺរៀបចំឡើងក្នុងរយៈពេល ២ឆ្នាំម្ដង ស្របពេលការប្រកួតព្រឹត្តិការណ៍ Leo Cup និងពានរង្វាន់លីគបាល់ទះដែលបង្កើតឡើងបានមួយឆ្នាំកាលឆ្នាំ២០១៧ ក៏ស្ងាត់មិនឃើញបង្កើតឡើងវិញ។ ទាក់ទងចំណុចនេះលោក បឹង គឹមតោ អគ្គលេខាធិការសហព័ន្ធបាល់ទះកម្ពុជាធ្លាប់បានប្រាប់មកកាន់ Sabay ថា សូមរង់ចាំសិន។

ទន្ទឹមគ្នានោះមានកីឡាករមួយចំនួនធំដែលកំពុងហាត់នៅក្លឹប ក្រសួងមហាផ្ទៃ និងកងពលធំអន្តរាគមន៍លេខ ៣ សុំមិនបញ្ចេញឈ្មោះបាននិយាយស្រដៀងគ្នាថា «ចង់បាក់ទឹកចិត្តហើយបង ខំហាត់រាល់ថ្ងៃតែគ្មានការប្រកួតសោះ»។ ប្រភពខាងលើបន្ថែមថា រាល់ថ្ងៃហាត់បានតែហាត់ ក្រោយពេលហាត់ទៅលេងដាក់ទឹក ឬចេញតុងតិចតួចទៅ កុំឲ្យធ្លាក់កម្រិតសមត្ថភាព។

សូមបញ្ជាក់ថា បច្ចុប្បន្នក្លឹបបាល់ទះរបស់កម្ពុជាមានចំនួន ៤ ក្លឹបគឺវិសាខា ក្រសួងមហាផ្ទៃ កងពលធំអន្តរាគមន៍លេខ ៣ និងកងអង្គរក្ស៕

អត្ថបទ៖ ស្រី សុវណ្ណដារ៉ា