Messi ជាប់លេខ៥នៅពាន Ballon d’Or ធ្វើឲ្យផ្ទុះមតិរិះគន់ពេញបណ្ដាញសង្គម
- 2018-12-04 02:58:15
- ចំនួនមតិ 0 | ចំនួនចែករំលែក 0
Messi ជាប់លេខ៥នៅពាន Ballon d’Or ធ្វើឲ្យផ្ទុះមតិរិះគន់ពេញបណ្ដាញសង្គម
ចន្លោះមិនឃើញ
Luka Modric បានសាងកំណត់ត្រាឈ្នះពាន Ballon d’Or ២០១៨ ក្រោយវ៉ាពិន្ទុកីឡាករខ្លាំងៗជាច្រើន ជាពិសេសបញ្ចប់រជ្ជកាលរបស់ Lionel Messi និង Cristiano Ronaldo។
យ៉ាងណាក្ដី អ្នកគាំទ្របានប្រតិកម្មជាខ្លាំងលើបណ្ដាញសង្គម Twitter ដោយបង្ហាញអារម្មណ៍ភ្ញាក់ផ្អើលឃើញ Messi ជាប់លេខ៥ ក្រោម Kylian MBappe, Antoine Griezmann, Cristiano Ronaldo និង Modric។
នេះជាលើកដំបូងចាប់តាំងពីឆ្នាំ២០០៧ ដែលមានកីឡាករផ្សេងក្រៅពី Messi និង Ronaldo លើកពាន Ballon d’Or។ ហើយវាក៏ជាលើកដំបូងដែល Messi មិនមានឈ្មោះនៅ Top 3 ចាប់តាំងពីឆ្នាំ២០០៦។ ព្រោះតែ Messi ឈ្នះពាន La Liga និងCopa del Rey រដូវកាលមុន និងឈរលើតារាងជាអ្នកទាត់បញ្ចូលទីច្រើនជាងគេប្រចាំឆ្នាំ អ្នកគាំទ្រមិនពេញចិត្តចំពោះចំណាត់ថ្នាក់ទី៥នេះទេ។
អ្នកគាំទ្របានបញ្ចេញមតិថា៖ "ថាម៉េច Messi ជាប់៥ជាកីឡាករឆ្នើមជាងគេលើលោក? ឆ្នាំនេះ BallondOr កំប្លែងខ្លាំងណាស់ WTF#”។ ឯម្នាក់ទៀតថា ប្រសិន Messi ជាប់លេខ៥ ពិតណាស់គ្រប់គ្នានឹងអស់សំណើច៕