កប់ក្ដោង! អាយុ៧ឆ្នាំសោះ ក្មេងនេះកើបលុយ ២២ លានដុល្លារពី YouTube
- 2018-12-04 03:19:00
- ចំនួនមតិ 0 | ចំនួនចែករំលែក 0
កប់ក្ដោង! អាយុ៧ឆ្នាំសោះ ក្មេងនេះកើបលុយ ២២ លានដុល្លារពី YouTube
ចន្លោះមិនឃើញ
អាយុទើបតែ ៧ ឆ្នាំប៉ុណ្ណោះ កុមារា Ryan បានឈរនៅតំណែងកំពូលក្នុងបញ្ជីតារា YouTube ដែលរកចំណូលបានច្រើនជាងគេប្រចាំឆ្នាំ ២០១៨។ តាមបញ្ជីរបស់ Forbes កុមារាកើតនៅអាមេរិករូបនេះ រកចំណូលបានពី YouTube ២២ លានដុល្លារអាមេរិកក្នុងមួយឆ្នាំ គិតចាប់ពីខែមិថុនា ២០១៧ ដល់ខែមិថុនា ២០១៨ នេះ។
Ryan ToysReview ដែលមានអ្នក Subscribe ជាង ១៧ លាននាក់ បានប្រាប់សារព័ត៌មាន NBC ថា ខ្លួនចង់ក្លាយជាអ្នកផលិតហ្គេមនៅពេលអនាគត។ ចាប់តាំងពី Channel លើ YouTube របស់គេបង្កើតក្នុងខែ មីនា ឆ្នាំ ២០១៥ មក មានអ្នកចូលមើលវីដេអូ ជិត ២៦ ពាន់លានដង។ ចំណូល ១ លានដុល្លារគឺទទួលបានពីការផ្សព្វផ្សាយ (Ads) របស់ YouTube នៅខាងដើមវីដេអូ ចំណែកចំណូលសេសសល់ទាំងប៉ុន្មានបានពីអ្នកឧបត្ថម្ភ (Sponsor)។
យោងតាមវេបសាយ Business Insider កាលពីឆ្នាំ ២០១៧ Ryan ដែលធ្វើ Content វីដេអូលេងរបស់ក្មេងលេង ស្ថិតនៅក្នុងចំណាត់ថ្នាក់ទី៨ ជាអ្នកដែលរកចំណូលបានច្រើនបំផុតលើ YouTube៕