អដ្ឋិធាតុលោក Beat Richner នឹងយកពីប្រទេសស្វីសមកតម្កល់នៅខេត្តសៀមរាបតាមបណ្តាំចុងក្រោយរបស់លោក
- 2018-12-04 03:36:33
- ចំនួនមតិ 0 | ចំនួនចែករំលែក 0
អដ្ឋិធាតុលោក Beat Richner នឹងយកពីប្រទេសស្វីសមកតម្កល់នៅខេត្តសៀមរាបតាមបណ្តាំចុងក្រោយរបស់លោក
ចន្លោះមិនឃើញ
អាជ្ញាធរខេត្តសៀមរាបឲ្យដឹងថាអដ្ឋិធាតុអតីតនាយកស្ថាបនិកមូលនិធិមន្ទីរពេទ្យគន្ធបុប្ផានឹងត្រូវដឹកពីប្រទេសស្វីសមកកាន់ខេត្តសៀមរាបនៅថ្ងៃស្អែកដើម្បីតម្កល់ទុកនៅមុខមន្ទីរពេទ្យគន្ធបុប្ផាទៅតាមបណ្តាំចុងក្រោយរបស់លោក។
ក្នុងសេចក្តីជូនដំណឹងមួយចុះថ្ងៃទី៣ ខែធ្នូ ឆ្នាំ២០១៨ រដ្ឋបាលខេត្តសៀមរាបសរសេរថាអដ្ឋិធាតុលោក វេជ្ជបណ្ឌិត Beat Richner អតីតនាយកស្ថាបនិកមូលនិធិមន្ទីរពេទ្យគន្ធបុប្ផានឹងត្រូវបញ្ជូនពីប្រទេសស្វីសមកតម្កល់ទុកក្នុចចេតីនៅមុខមនញទីរពទេទ្យគន្ធបុប្ផាខេត្តសៀមរាប។
ការណ៍យកមកតម្កល់នៅមុខមន្ទីរពេទ្យគន្ធបុប្ផានៅខេត្តសៀមរាបនេះគឺធ្វើតាមបណ្តាំចុងក្រោយរបស់លោកវេជ្ជបណ្ឌិត Beat Richner។ នេះបើតាមសេចក្តីជូនដំណឹង។
តាមប្រភពខាងលើអដ្ឋិធាតុលោកវេជ្ជបណ្ឌិតBeat Richner នឹងមកដល់អាកាសយានដ្ឋានខេត្តសៀមរាបនៅថ្ងៃទី៥ ខែធ្នូ ឆ្នាំ២០១៨ ហើយរដ្ឋបាលខេត្តសៀមរាបបានណែនាំឲ្យសាធារណៈជនចូលរួមឈរអមសងសាងផ្លូវដោយស្លៀកពាក់អាវស ខោ ឬសំពត់ខៀវ ឬខ្មៅ ចាំទទួលដង្ហែរអដ្ឋិធាតុលោកវេជ្ជបណ្ឌិត Beat Richner នៅវេលាម៉ោង៨ ព្រឹក។
ក្នុងសេចក្តីជូនដំណឹងសរសេរថាការណ៍ធ្វើបែបនេះគឺដើម្បីដឹងគុណដល់លោកវេជ្ជបណ្ឌិតដែលបានលះបង់កម្លាំងកាយចិត្ត ដើម្បីអាយុជីវិតកុមារកម្ពុជា។
រដ្ឋបាលខេត្តសៀមរាបសរសេរបន្ថែមលើទំព័រហ្វេសប៊ុករបស់ខ្លួនទៀតថា៖ «ជាមួយគ្នានាថ្ងៃទី០៦ ខែធ្នូ ឆ្នាំ២០១៨ ខាងមុខនេះ ព្រះករុណាជាអម្ចាស់ជីវិត តម្កល់លើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និងសម្តេចមហាក្សត្រី នរោត្តមមុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល យាងចូលរួមពិធីបង្សុកូលឧទ្ទិសកុសលផលបុណ្យជូនដួងវិញ្ញាណក្ខន្ធ ឯកឧត្តមសាស្ត្រាចារ្យវេជ្ជបណ្ឌិត Beat Richner អតីតស្ថាបនិកមន្ទីរពេទ្យគន្ធបុប្ផា»។