តារាល្បីៗច្រើនដួងគ្រោងជួបជុំគ្នាឆាប់ៗ ដើម្បីការងារមនុស្សធម៌ ក្រោមហេតុផល៣

2018-12-04 05:25:16
ចំនួនមតិ 0 | ចំនួនចែករំលែក 0

ចន្លោះមិនឃើញ

“ព្រឹត្តិការណ៍ពិព័រណ៍ និងតន្ត្រីសប្បុរសធម៌លើកទី៦” នៅថ្ងៃសៅរ៍ ទី០៨ ខែធ្នូ ឆ្នាំ២០១៨ នេះ នឹងមានតារាចម្រៀងល្បីៗជាច្រើនរួមគ្នាបង្កើតនូវបរិយាកាសយ៉ាងរីករាយដល់អ្នកចូលរួមទាំងអស់គ្នា។

តារាចម្រៀងដែលនឹងចូលរួមនៅក្នុងកម្មវិធីមួយនេះមានដូចជា អ្នកនាង ពេជ្រ សោភា លោក ណុប ប៉ាយ៉ារិទ្ធិ ឆន សុវណ្ណរាជ អ្នកនាង ម៉េង កែវពេជ្ជតា កញ្ញា ផន ស្រីខួច វី ឌីណែត លោក ក័ន ក្រុមរាំនារី OMG ក្រុមរាំបុរស Emperror និង ក្រុមកំប្លែង យេយេ ព្រមទាំងជាមួយតារាចម្រៀងជាច្រើនទៀត។

“ព្រឹត្តិការណ៍ពិព័រណ៍ និងតន្ត្រីសប្បុរសធម៌លើកទី៦” នឹងប្រព្រឹត្តទៅនៅថ្ងៃសៅរ៍ ទី០៨ ខែធ្នូ ឆ្នាំ ២០១៨ នេះ ចាប់ពីវេលាម៉ោង ០៨ :០០នាទីព្រឹក រហូតដល់ ០៩:០០ នាទីយប់ នៅវិទ្យាស្ថានបច្ចេកវិទ្យាកម្ពុជា ហើយតម្លៃសំបុត្រចូលរួមកម្មវិធី ត្រឹមតែ ៦ ០០០រៀល តែប៉ុណ្ណោះ ដែលអាចរកទិញបាននៅវិទ្យាស្ថានបច្ចេកវិទ្យាកម្ពុជា។

ក្រៅពីនេះក្រុមហ៊ុនមួយចំនួនអាចទាក់ទងអ្នករៀបចំកម្មវិធីបាន សម្រាប់លក់ទំនិញបានតាមរយៈលេខទូរសព្ទ៖ 086 622 003/089 824 334 ឬតាម link ខាងក្រោមនេះ៖ ព្រឹត្តិការណ៍ពិព័រណ៍ និងតន្ត្រីសប្បុរសធម៌លើកទី៦

"ព្រឹត្តិការណ៍ពិព័រណ៍ និងតន្ត្រីសប្បុរសធម៌លើកទី៦" បង្កើតឡើងក្នុងគោលបំណងធំៗចំនួន ៣គឺ៖

១. ជួយសម្រួលដល់និស្សិតក្នុងវិទ្យាស្ថាន ដែលមានជីវភាពខ្វះខាត លើការសិក្សា និងការរស់នៅ

២. ជួយដល់កុមារកំព្រា និងចាស់ជរានៅតាមតំបន់ដាច់ស្រយាល ដែលត្រូវការជំនួយឧបត្ថម្ភ

៣. ជួយស្វែងរកជំនួយឧបត្ថម្ភបន្ថែមដើម្បីធ្វើការសាងសង់សាលាបឋមសិក្សាចារ ១ខ្នងដែលស្ថិតនៅស្រុកស្រីស្នំ ខេត្តសៀមរាបដែលបច្ចុប្បន្ននេះសាលាមួយខ្នងនេះមានសភាពទ្រុឌទ្រោមជាខ្លាំង ។

ថវិកាដែលបានពីការលក់សំបុត្រ ការលក់ស្តង់ពិព័រណ៍ និងវត្ថុអនុស្សាវរីយ៍ (អាវ ក្រមា ដបទឹក) នឹងត្រូវប្រើប្រាស់សម្រាប់តែគោលបំណងទាំងបីខាងលើប៉ុណ្ណោះ៕

អត្ថបទ៖ ប៊ិន ប៊ុណ្ណា