Justin ចាប់ដៃគ្នាជាមួយភរិយា ស្លៀកឈុតគូស្នេហ៍ ថតរូបដាក់ទស្សនាវដ្តីជាលើកដំបូង
- 2018-12-05 02:27:39
- ចំនួនមតិ 0 | ចំនួនចែករំលែក 0
Justin ចាប់ដៃគ្នាជាមួយភរិយា ស្លៀកឈុតគូស្នេហ៍ ថតរូបដាក់ទស្សនាវដ្តីជាលើកដំបូង
ចន្លោះមិនឃើញ
ជាធម្មតា ប្រិយមិត្ត និងអ្នកគាំទ្រភាគច្រើន ធ្លាប់តែបានឃើញរូបភាពផ្អែមល្ហែមរបស់តារាចម្រៀង Justin Bieber ជាមួយប្រពន្ធសំណព្វចិត្តរបស់លោកតែលើបណ្ដាញសង្គមប៉ុណ្ណោះទេ ប៉ុន្តែពេលនេះ តារាចម្រៀងវ័យ ២៤ឆ្នាំ រួមនឹងតារាម៉ូដែលវ័យ ២២ ឆ្នាំរូបនេះ បានចាប់ដៃគ្នាលើកដំបូងថតរូបជាលក្ខណៈផ្លូវការ។
កាលពីថ្ងៃច័ន្ទកន្លងទៅនេះ តារាចម្រៀង Justin Bieber និងតារាម៉ូដែល Hailey Baldwin ត្រូវបានប្រទះឃើញចំណាយភាពសប្បាយរីករាយរបស់ពួកគេក្នុងទីក្រុង Los Angeles ខណៈគូស្នេហ៍តារាមួយគូនេះ កំពុងត្រៀមខ្លួនថតរូបឲ្យទស្សនាវដ្ដីមួយ។
ក្នុងឈុតដំបូង តារាទាំង២រូបនេះ បានស្លៀកសម្លៀកបំពាក់ដូចគ្នា ដោយ Hailey ស្ថិតក្នុងឈុតមីគីនីពណ៌ខ្មៅអុជស ខណៈ Justin ស្លៀកខោរលុងវែងមានពណ៌ដូចគ្នា។ ឈុតទី២ ពួកគេស្លៀកពាក់បែបសាមញ្ញធម្មតា ដោយតារាម៉ូដែល Hailey ស្លៀករ៉ូបពណ៌ផ្កាឈូក ចំណែកស្វាមីរបស់នាង ស្លៀកខោខោវប៊យដោះអាវ។ សម្រាប់ឈុតទី ៣ វិញ គូស្នេហ៍តារាល្បីមួយគូនេះ បានស្លៀកឈុតគូស្នេហ៍សាជាថ្មី។ គួរបញ្ជាក់ដែរថា ការថតរូបនេះ អាចសម្រាប់សៀវភៅទស្សនាវដ្ដីម៉ូដនៅរដូវកាលឆ្នាំ ២០១៩នេះ៕