ចាំបាច់ទៅដល់ថៃ! កន្លែងស្នាក់នៅកោះកុងហូរហៀរមានទាំងបែបអឺរ៉ុប ឃើញហើយទប់ចិត្តមិនបាន

2018-12-05 04:04:30
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅសល់ប្រមាណ១អាទិត្យទៀត ព្រឹត្តិការណ៍បុណ្យសមុទ្រប្រចាំខេត្តកោះកុង នឹងចាប់ផ្ដើមសាជាថ្មី នៅថ្ងៃទី ១៤ ដល់ ១៦ ខែធ្នូ ឆ្នាំ២០១៨។ ព្រឹត្តិការណ៍នេះ ក្រសួងទេសចរណ៍ នៃព្រះរាជាណាចក្រកម្ពុជា ក៏បានសហការជាមួយថៃ (ខេត្តត្រាត) ឲ្យត្រៀមបន្ទប់សម្រាប់ទទួលភ្ញៀវ ក្នុងករណីខ្វះខាត។ យ៉ាងណាក្ដី ម្ចាស់អាជីវកម្មក្នុងវិស័យទេសចរណ៍នៅកោះកុងក្នុងឱកាសនេះ ក៏បានបង្កើនការផ្គត់ផ្គង់កន្លែងស្នាក់នៅដល់ភ្ញៀវបន្ថែមផងដែរ។

រូបភាពហ្វេសបុក រីសតតាតៃ និងម៉ារីណា

រីសតតាតៃ និងម៉ារីណា បានរៀបចំតង់ជាច្រើនសម្រាប់ភ្ញៀវគ្រប់ទិសទីក្នុងបរិវេណរីសតផ្ទាល់។ បើតាមលោក ដាត់ ពិសិដ្ឋ អ្នកគ្រប់គ្រងនៃបានបញ្ជាក់ប្រាប់ Sabay ថា បន្ទប់ស្នាក់នៅសម្រាប់ពិធីបុណ្យនេះ ត្រូវបានកក់ស្ទើរទាំងអស់ ហើយត្រូវការរៀបចំតង់បន្ថែម ដើម្បីឆ្លើយតបតម្រូវការ និងកុំឲ្យភ្ញៀវពិបាករកកន្លែងគេងណាឆ្ងាយៗ។

រាល់តង់នីមួយៗ ដែលបានកក់ នឹងផ្ដល់ជូនបន្ថែមនូវអាហារពេលព្រឹក អាងហែលទឹក កាយ៉ាក់សម្រាប់ចែវលេងតាមដងព្រែក ដោយឥតគិតថ្លៃ។ ចំពោះតង់គេងមនុស្សម្នាក់ តម្លៃ ៣៥ដុល្លារ និងសម្រាប់២នាក់ តម្លៃ ៤៥ដុល្លារ។

ដោយឡែក បើក្រឡេកទៅស្គាល់រមណីយដ្ឋានថ្មីលើទឹកដីបៃតងកោះកុង មានឈ្មោះថា កោះស្នេហ៍ ឡុង ប៉ិច (Koh Sne Long Beach ) ដែលមានផ្ទះស្នាក់នៅស្រស់ស្អាតដូចនៅអឺរ៉ុប ជាមួយធម្មជាតិពាមក្រសោប ព្រៃកោងកាង ស្ថិតនៅជិតរមណីយដ្ឋានទេសចរណ៍។ ទីតាំងស្ថិតនៅ ភូមិស្ទឹងវែង សង្កាត់ស្ទឹងវែង ក្រុងខេមរភូមិន្ទ ខេត្តកោះកុង ។

រូបភាព៖ ហ្វេសបុក សម្រស់ខេត្តកោះកុង

យ៉ាងណាមិញ លោកអ្នកដែលចង់ទៅចូលរួមព្រឹត្តិការណ៍បុណ្យសមុទ្រនៅកោះកុង តែមិនទាន់មានកន្លែងស្នាក់នៅ ចាំបាច់ត្រូវរកកន្លែងទុកមុន។ សូមទាក់ទង សណ្ឋាគារ និងផ្ទះសំណាងនៅក្នុងក្រុងខេមរភូមិន្ទ ខេត្តកោះកុង ខាងក្រោម៖