ឆ្នាំនេះ K-Pop វាយលុកតារាង Billboard ញាក់សាច់ ហើយនេះជាបញ្ជីចំណាត់ថ្នាក់ជើងខ្លាំង

2018-12-05 05:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងឆ្នាំ ២០១៨នេះ តារា និងក្រុមចម្រៀង K-Pop ជាច្រើនបានលេចមុខជាបន្តបន្ទាប់នៅលើតារាង Billboard ដែលបង្កើតជាប្រវត្តិសាស្ត្រជោគជ័យមួយទៀតរបស់តារាទាំងនោះ។

កាលពីថ្ងៃទី ០៤ ខែធ្នូ Billboard បានបង្ហាញពីតារាប្រចាំឆ្នាំ ២០១៨ ដោយលើតារាងនោះដែរ មានតាំងពី EXO, BTS, BLACKPINK, NCT127, GOT7 និងក្រុមតារាជាច្រើនទៀតដែលសុទ្ធវាយលុកទីផ្សារចម្រៀងនៅរយៈពេលចុងក្រោយនេះ។

សម្រាប់តារាង "World Albums” BTS បានស៊ីដាច់ឈរលើចំណាត់ថ្នាក់កំពូលទាំង ៣ ជាមួយអាល់ប៊ុមទាំង ៣របស់ខ្លួនមានដូចជា៖ “Love Yourself: Tear”, “Love Yourself: Answer” និង “Love Yourself: Her”។

BTS

ចំណែកអាល់ប៊ុមទោលដំបូងរបស់ Lay សមាជិកក្រុម EXO មានឈ្មោះថា "NAMANAMA” ក៏បានស្ថិតលើកំពូលតារាងនេះដែរ ដោយកាន់កាប់ចំណាត់ថ្នាក់ទី ៤ ហើយអាល់ប៊ុម "Hope World” របស់ J-Hope សមាជិកក្រុម BTS ជាប់លេខ ៥។

Lay

វិលមកវិញជាថ្មី អាល់ប៊ុម "Don't Mess Up My Tempo” របស់ EXO បានជាប់លេខ ៨ ស្របពេល អាល់ប៊ុម "mono” របស់ RM មេក្រុម BTS ជាប់លេខ ៩។

EXO

រីឯក្រុម BLACKPINK វិញក៏មានមុខជាប់ចំណាត់ថ្នាក់ល្អដែរ គឺលេខ ១២ តាមរយៈអាល់ប៊ុម "Square Up” ហើយបន្ទាប់ពីនេះ លេខ ១៣ បានទៅលើអាល់ប៊ុមជប៉ុន "Face Yourself” របស់ BTS និង “Regular-Irregular” របស់ NCT 127 ស្ថិតនៅលេខ ១៤។

BLACKPINK

ងាកចូលតារាង "World Album Artists” BTS ក្លាយជាម្ចាស់តំណែងកំពូលទី ១ តាមពីក្រោយដោយ Lay ដែលស្ថិតនៅចំណាត់ថ្នាក់ទី ២ EXO ជាប់លេខ ៥ J-Hope ជាប់លេខ ៦ RM ជាប់លេខ ៧ BLACKPINK ជាប់លេខ ៩ និង NCT127 ជាប់លេខ ១០។

ចំណែក តារាង “Top Artists” BTS ជាប់លេខ ៨ ស្របពេល EXO ជាប់លេខ ៧៦។

Billboard ក៏បានបង្ហាញតារាង “Independent Albums” ដែរ ដោយក្នុងនោះ អាល់ប៊ុមរបស់ BTS ”Love Yourself: Tear” ជាប់លេខ ៣, អាល់ប៊ុម “Love Yourself: Answer” ជាប់លេខ៥ និង “Love Yourself: Her” ជាប់លេខ ។ សម្រាប់ “NAMANANA” របស់ Lay បានជាប់ចំណាត់ថ្នាក់ទី ៣៤។

BTS

ចុងក្រោយសម្រាប់តារាង “Social 50” ឆ្នាំ ២០១៨ BTS ជាប់លេខ ១ រយៈពេលដល់ទៅ ១០៣ សប្ដាហ៍ ហើយនៅចុងឆ្នាំក៏នៅតែរក្សាតំណែងនេះដែរ។ EXO ក៏មិនធម្មតាដែរ ដោយបានយកឈ្នះ និងទទួលបានចំណាត់ថ្នាក់ទី ២ ហើយ GOT7 ជាប់លេខ ៦, NCT ជាប់លេខ ៩, MONSTA X ជាប់លេខ ១១, SEVENTEEN ជាប់លេខ ១២, Wanna One ជាប់លេខ ១៤, NCT 127 ជាប់លេខ ២៣, BLACKPINK ជាប់លេខ ២៨, TWICE ជាប់លេខ៣៣, Stray Kids ជាប់លេខ៤១, NCT Dream ជាប់លេខ៤៣ និង SHINee ជាប់លេខ៤៦៕

ប្រភព៖ kstarlive ប្រែសម្រួល៖ យី សុធារី